سیدنا ابوہریرہ رضی اللہ عنہ فرماتے ہیں: میں نے بنی تمیم کے لئے رسول اللہ صلی اللہ علیہ وسلم کی زبان سے تین باتیں سنی ہیں، جب سے وہ تین باتیں سنی ہیں اس کے بعد کبھی بھی ان کے بارے میں دل میں کوئی بغض نہیں رکھا۔ * ام المومنین سیدہ عائشہ رضی اللہ عنہا کے ذمے ایک منت تھی، سیدنا اسماعیل علیہ السلام کی اولاد میں سے ایک شخص آزاد کرنا تھا، بنی العنبر کا ایک آدمی قیدی ہو کر آیا، اس نے ام المومنین سیدہ عائشہ رضی اللہ عنہا سے کہا: اگر آپ اپنی نذر پوری کرنا چاہتی ہیں تو ان لوگوں میں سے کسی کو آزاد کر دیں، پھر اس شخص نے ان کو بنی اسماعیل سے ثابت کیا، پھر بنی سعد کے صدقہ کے اونٹوں میں سے کچھ اونٹ لائے گئے، جب انہوں نے ان کو دیکھا تو کہنے لگا: یہ میری قوم کے اونٹ ہیں، ان کو اپنی قوم قرار دیا، اور کہنے لگا: جنگوں میں یہ لوگ سخت قتال کرتے ہیں۔ ٭٭ یہ حدیث امام مسلم کے معیار کے مطابق صحیح ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب معرفة الصحابة رضي الله تعالى عنهم/حدیث: 7162]