سیدنا عبداللہ بن عمرو رضی اللہ عنہما فرماتے ہیں: رسول اللہ صلی اللہ علیہ وسلم سے۔” فرع “ (اونٹنی جب پہلا بچہ جنتی تو عرب والے اس کو اپنے بتوں کے نام پر ذبح کر دیا کرتے تھے، بعض لوگوں کے نزدیک اس کو ” فرع “ کہتے ہیں) کے بارے میں پوچھا گیا تو آپ صلی اللہ علیہ وسلم نے فرمایا:” فرع “ حق ہے اگر تو اس کو چھوڑ دے، تاکہ وہ ایک یا دو سال کا ہو جائے، تو اس کو اللہ کے لیے اٹھا رکھے، یا تو وہ کسی محتاج مسکین خاتون کو دے دے تو یہ تیرے حق میں اس سے زیادہ بہتر ہے کہ تو اس کو ذبح کرے اور اس کا گوشت اس کی اون کے ساتھ ملا لے، اور اس کی ماں کو پریشان کر دے۔ [المستدرك على الصحيحين/كتاب الذبائح/حدیث: 7775]