سیدنا عبداللہ بن بریدہ اپنے والد کا یہ بیان نقل کرتے ہیں: زمانہ جاہلیت میں ہم یوں کرتے تھے کہ جس کے ہاں لڑکا پیدا ہوتا تو ہم اس کی جانب سے ایک بکری ذبح کرتے، اس کا سر مونڈتے، بچے کے سر پر اس بکری کے خون کی لیپ کر دیتے، جب اسلام آیا، تو ہم لڑکے کی جانب سے ایک بکری ذبح کرتے، اس کا سر مونڈتے اور اس کے سر پر زعفران کی مالش کرتے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كتاب الذبائح/حدیث: 7786]