سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے کسی بات پر (اس طرح کی) قسم کھائی تو وہ ویسا ہی ہے جیسا اس نے کہا؛ اگر اس نے کہا کہ وہ یہودی ہے (اگر ایسا ہوا) تو وہ یہودی ہے، اگر اس نے کہا کہ وہ نصرانی ہے تو وہ نصرانی ہے، اور اگر اس نے کہا کہ وہ اسلام سے بیزار ہے تو وہ اسلام سے بیزار ہی ہے، اور جس نے جاہلیت کی پکار ماری (عصبیت کو پکارا) وہ جہنم کے ڈھیروں میں سے ایک ڈھیر ہے“، صحابہ نے عرض کیا: اے اللہ کے رسول! اگرچہ وہ روزہ رکھتا اور نماز پڑھتا ہو؟ آپ صلی اللہ علیہ وسلم نے فرمایا: ”اگرچہ وہ روزہ رکھتا اور نماز پڑھتا ہو۔“
یہ حدیث صحیح الاسناد ہے لیکن شیخین نے اسے روایت نہیں کیا۔ [المستدرك على الصحيحين/كتاب الأيمان والنذور/حدیث: 8011]