سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جو شخص شراب پیے اسے کوڑے لگاؤ، پھر اگر وہ دوبارہ پیے تو اسے کوڑے لگاؤ، پھر اگر وہ تیسری مرتبہ پیے تو اسے کوڑے لگاؤ، پھر اگر وہ چوتھی مرتبہ پیے تو اسے قتل کر دو۔“ معمر کہتے ہیں کہ میں نے یہ حدیث محمد بن منکدر کو سنائی تو انہوں نے فرمایا: یہ (قتل کا حکم) بعد میں ترک کر دیا گیا تھا، کیونکہ نبی کریم صلی اللہ علیہ وسلم کے پاس ابن نعیمان کو لایا گیا تو آپ صلی اللہ علیہ وسلم نے اسے کوڑے لگائے، پھر دوبارہ لایا گیا تو آپ صلی اللہ علیہ وسلم نے اسے کوڑے لگائے، پھر تیسری مرتبہ لایا گیا تو آپ صلی اللہ علیہ وسلم نے اسے کوڑے لگائے، پھر جب وہ چوتھی مرتبہ لایا گیا تو آپ صلی اللہ علیہ وسلم نے تب بھی اسے کوڑے ہی لگائے اور اس سے زیادہ (سزا میں) اضافہ نہیں کیا۔ [المستدرك على الصحيحين/كتاب الحدود/حدیث: 8315]