سیدنا عبداللہ بن عباس رضی اللہ عنہما بیان کرتے ہیں کہ ہلال بن امیہ نے رسول اللہ صلی اللہ علیہ وسلم کی بارگاہ میں شکایت کی کہ اس کی بیوی کے ساتھ شریک بن سمحاء نے زنا کیا ہے، رسول اللہ صلی اللہ علیہ وسلم نے فرمایا: گواہ پیش کرو، ورنہ تیری پیٹھ پر کوڑے مارے جائیں گے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْحُدُودِ/حدیث: 8310]

سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے شراب کے متعلق فرمایا: اگر کوئی شخص اسے پیئے تو اس کو کوڑے مارو، اگر دوبارہ پیئے، پھر کوڑے مارو، تیسری مرتبہ پیئے تو پھر بھی کوڑے مارو، اور اگر پھر بھی باز نہ آئے تو اس کو قتل کر دو۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح الاسناد ہے لیکن شیخین نے اس کو نقل نہیں کیا۔ اس موضوع پر سیدنا جریر بن عبداللہ البجلی، عبداللہ بن عمر، اور شرحبیل بن اوس رضی اللہ عنہم سے بھی احایث مروی ہے اور یہ سب رسول اللہ صلی اللہ علیہ وسلم کے صحابہ ہیں۔ سیدنا جریر بن عبداللہ رضی اللہ عنہ سے مروی حدیث درج ذیل ہے۔ [المستدرك على الصحيحين/كِتَابُ الْحُدُودِ/حدیث: 8311]

سیدنا جریر بن عبداللہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: اگر کوئی شخص اسے پیئے تو اس کو کوڑے مارو، اگر دوبارہ پیئے، پھر کوڑے مارو، تیسرے مرتبہ پیئے، تو پھر بھی کوڑے مارو، اور اگر پھر بھی باز نہ آئے تو اس کو قتل کر دو۔ سیدنا عبداللہ بن عمر رضی اللہ عنہما سے مروی حدیث درج ذیل ہے۔ [المستدرك على الصحيحين/كِتَابُ الْحُدُودِ/حدیث: 8312]

سیدنا عبداللہ بن عمر رضی اللہ عنہما فرماتے ہیں کہ رسول اللہ صلی اللہ علیہ وسلم نے ارشاد فرمایا: اگر کوئی شخص اسے پیئے تو اس کو کوڑے مارو، اگر دوبارہ پیئے، پھر کوڑے مارو، تیسری مرتبہ پیئے، تو پھر بھی کوڑے مارو، اور اگر پھر بھی باز نہ آئے تو اس کو قتل کر دو۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ سیدنا ابوہریرہ رضی اللہ عنہ سے مروی حدیث درج ذیل ہے [المستدرك على الصحيحين/كِتَابُ الْحُدُودِ/حدیث: 8313]

سیدنا ابوہریرہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: اگر کوئی شخص اس پیئے تو اس کو کوڑے مارو، اگر دوبارہ پیئے، پھر کوڑے مارو، تیسری مرتبہ پیئے، تو پھر بھی کوڑے مارو، اور اگر پھر بھی باز نہ آئے تو اس کو قتل کر دو۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ [المستدرك على الصحيحين/كِتَابُ الْحُدُودِ/حدیث: 8314]

سیدنا ابوہریرہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: اگر کوئی شخص اسے پیئے تو اس کو کوڑے مارو، اگر دوبارہ پیئے، پھر کوڑے مارو، تیسری مرتبہ پیئے، تو پھر بھی کوڑے مارو، اور اگر پھر بھی باز نہ آئے تو اس کو قتل کر دو۔ ٭٭ معمر کہتے ہیں: میں نے یہ حدیث محمد بن المنکدر کو سنائی تو انہوں نے فرمایا: بعد میں اس حدیث پر عمل چھوڑ دیا گیا تھا، نبی اکرم صلی اللہ علیہ وسلم کی بارگاہ میں نعیمان کے بیٹے کو لایا گیا، آپ صلی اللہ علیہ وسلم نے اس کو کوڑے مروائے، اس نے پھر شراب پی، آپ صلی اللہ علیہ وسلم نے اس کو پھر کوڑے لگوائے، اس نے پھر پی، آپ صلی اللہ علیہ وسلم نے پھر کوڑے لگوائے، اس نے پھر پی، آپ صلی اللہ علیہ وسلم نے پھر اس کو کوڑے لگوائے۔ کوڑوں سے زائد کچھ نہیں کیا گیا۔ معاویہ کی روایت کردہ حدیث درج ذیل ہے [المستدرك على الصحيحين/كِتَابُ الْحُدُودِ/حدیث: 8315]

سیدنا معاویہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: اگر لوگ شراب پیئں تو ان کو کوڑے مارو، اگر پھر پیئں تو پھر کوڑے مارو، اگر پھر پیئں تو پھر کوڑے مارو، اگر چوتھی مرتبہ بھی پیئں تو ان کو قتل کر دو۔ شرید بن سوید کی روایت کردہ حدیث [المستدرك على الصحيحين/كِتَابُ الْحُدُودِ/حدیث: 8316]

عمرو بن شرید اپنے والد کا یہ بیان نقل کرتے ہیں کہ نبی اکرم صلی اللہ علیہ وسلم نے ارشاد فرمایا: جب کوئی شراب پیئے تو اس کو کوڑے مارو، دوبارہ پیئے تو پھر مارو، تیسری بار پیئے تو پھر مارو، چوتھی بار پیئے تو قتل کر دو۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ سیدنا عبداللہ بن عمرو رضی اللہ عنہما کی روایت کردہ حدیث [المستدرك على الصحيحين/كِتَابُ الْحُدُودِ/حدیث: 8317]

سیدنا عبداللہ بن عمرو رضی اللہ عنہما فرماتے ہیں کہ رسول اللہ صلی اللہ علیہ وسلم نے شراب کے متعلق فرمایا: جب کوئی شراب پیئے تو اس کو کوڑے مارو، دوبارہ پیئے تو پھر مارو، تیسری بار پیئے تو پھر مارو، چوتھی بار پیئے تو قتل کر دو۔ سیدنا شرحبیل بن اوس رضی اللہ عنہ سے مروی حدیث [المستدرك على الصحيحين/كِتَابُ الْحُدُودِ/حدیث: 8318]

یزید ابن ابی کبشہ نے شام میں خطبہ دیتے ہوئے بتایا کہ میں نے کسی صحابی رسول کو عبدالملک بن مروان کے حوالے سے رسول اللہ صلی اللہ علیہ وسلم کا شراب کے متعلق یہ ارشاد سنا ہے کہ ” جب کوئی شراب پیئے تو اس کو کوڑے مارو، دوبارہ پیئے تو پھر مارو، تیسری بار پیئے تو پھر مارو، چوتھی بار پیئے تو قتل کر دو “۔ ٭٭ ابوعلی الحافظ نے ہمیں یہی حدیث سنائی اور اس کے آخر میں یہ بھی بتایا کہ اس صحابی کا تعلق شام سے ہے، اور وہ سیدنا شرحبیل بن اوس رضی اللہ عنہ ہیں۔ [المستدرك على الصحيحين/كِتَابُ الْحُدُودِ/حدیث: 8319]