سیدنا عبداللہ بن عباس رضی اللہ عنہما فرماتے ہیں کہ رسول اللہ صلی اللہ علیہ وسلم درد اور بخار کے لیے ہمیں یہ دم سکھایا کرتے تھے۔ بِسْمِ اللَّهِ الْكَبِيرِ، نَعُوذُ بِاللَّهِ الْعَظِيمِ مِنْ شَرِّ عِرْقِ نَعَّارٍ وَمَنْ شَرِّ حَرِّ النَّارِ ” اس اللہ کے نام سے شروع جو کبیر ہے، ہم عظمت والے اللہ کی پناہ مانگتے ہیں، ہر اس زخم سے جس سے خون پھوٹ پھوٹ کر نکلتا ہے، عرق سے اور دوزخ کی آگ کے شر سے “ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كتاب الرقى والتمائم/حدیث: 8479]