سیدنا ابوامامہ رضی اللہ عنہ فرماتے ہیں کہ نبی اکرم صلی اللہ علیہ وسلم نے ارشاد فرمایا: اس امت کے کچھ لوگ کھانے پینے اور لہو و لعب میں رات گزاریں گے اور صبح کے وقت ان کی شکلیں خنزیروں کی شکلوں میں بدل چکی ہوں گی، ان میں پورے پورے قبیلے زمین میں دھنسا دیئے جائیں گے، اور وہاں کی بستیاں تباہ کر دی جائیں گی، صبح کے وقت لوگ آپس میں یوں باتیں کر رہے ہوں گے کہ گزشتہ رات دار بنی فلاں کا فلاں قبیلہ زمین میں دھنسا دیا گیا، اور ان پر پتھروں والی سخت آندھی بھیجی گئی، جیسا کہ قوم لوط پر بھیجی گئی تھی، اور ان پر سخت تیز آندھی بھیجی گئی ہے، اس نے ان کو تباہ کر دیا ہے، جیسا کہ ان سے پہلے لوگوں کو شراب نوشی اور سود خوری، ریشم پہننے اور گانے والی لونڈیاں اختیار کرنے اور قطع رحمی کی وجہ سے تباہ کر دیا گیا تھا۔ راوی کہتے ہیں: یہاں پر ان کی ایک اور بھی خصلت بیان کی گئی تھی، وہ میں بھول چکا ہوں۔ ٭٭ جعفر کی روایت کے مطابق یہ حدیث امام مسلم رحمۃ اللہ علیہ کے معیار کے مطابق صحیح ہے اور فرقد کی روایات امام بخاری رحمۃ اللہ علیہ اور امام مسلم رحمۃ اللہ علیہ نے نقل نہیں کیں۔ [المستدرك على الصحيحين/كتاب الفتن والملاحم/حدیث: 8785]