سیدنا قیس بن ابی حازم بیان كرتے ہیں كہ سیدنا عبداللہ بن رواحہ رضی اللہ عنہ اپنی زوجہ كی گود میں سر رکھے رو رہے تھے، ان كو دیكھ كر ان كی زوجہ بھی رونے لگ گئی، انہوں نے زوجہ سے رونے كی وجہ پوچھی تو انہوں نے كہا: میں نے آپ كو روتے دیكھا تو میں بھی رونے لگ گئی، آپ نے فرمایا: مجھے اللہ تعالیٰ کا یہ فرمان یاد آ گیا: {وَإِنْ مِنْكُمْ إِلَّا وَارِدُهَا} [مريم: 71] ” اور تم میں كوئی ایسا نہیں جس کا گزر دوزخ پر نہ ہو “ (ترجمہ: كنزالایمان،) مجھے یہ نہیں پتا كہ میں اس سے نجات پاؤں گا یا نہیں۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس كو نقل نہیں كیا۔ [المستدرك على الصحيحين/كتاب : الأهوال/حدیث: 8963]