سیدنا بہز بن حکیم اپنے والد سے، وہ ان کے دادا سے روایت کرتے ہیں (وہ فرماتے ہیں کہ) میں نبی اکرم صلی اللہ علیہ وسلم کی بارگاہ میں حاضر ہوا، اور عرض کی: اے اللہ کے نبی میں آپ کے پاس اس سے بھی زیادہ چھوڑ کر آیا ہوں (دونوں ہاتھ جمع کر کے کہا) نہ میں آپ کے دین کے لئے آیا ہوں اور نہ آپ کے پاس آیا ہوں، میں ایسا آدمی تھا جو اللہ اور اس کے رسول کے سكھائے ہوئے کے علاوہ كچھ بھی نہیں جانتا تھا، میں آپ كو اللہ کا واسطہ دے كر سوال كرتا ہوں، ہمارے رب نے آپ كو كیا چیز دے كر بھیجا ہے؟ آپ صلی اللہ علیہ وسلم نے فرمایا: اسلام۔ آپ فرماتے ہیں: میں نے كہا: اے اللہ کے نبی! اسلام كی نشانی كیا ہے؟ آپ صلی اللہ علیہ وسلم نے فرمایا: یہ كہ تم كہو: میں نے اپنا چہرہ اللہ کے لئے جھكایا اور تم نماز قائم كرو، زكوۃ ادا كرو، ہر مسلمان کے لئے، دوسرا مسلمان حرمت والا ہے دونوں بھائی بھائی ہو جاتے ہیں، اللہ تعالیٰ اس مسلمان كی عبادت قبول نہیں كرتا جو اسلام لانے کے بعد جان بوجھ كر شرک كرے، حتی كہ وہ مشركوں كو چھوڑ كر دوبارہ مسلمانوں میں آ جائے، مجھے كیا ہے، تمہیں پیٹھ سے پكڑ پكڑ كر دوزخ سے بچاتا ہوں، سن لو خبردار! میرا رب داعی ہے، خبردار! وہ مجھ سے پوچھے گا كہ کیا تم نے میرے بندوں تک میرا پیغام پہنچا دیا؟ اور میں كہوں گا: اے میرے رب! میں نے پہنچا دیا ہے۔ اس لئے جو لوگ اس وقت موجود ہیں، یہ ان تمام تک میرا پیغام پہنچا دیں جو اس وقت غیر حاضر ہیں، پھر تمہیں بلایا جائے گا، تمہارے منہ پر چھینكا لگا دیا جائے گا، تمہارے اعضاء میں سب سے پہلے جو گواہی دے گا وہ تمہارے ران اور ہتھیلیاں ہوں گی۔ میں نے كہا: یا رسول اللہ صلی اللہ علیہ وسلم یہ ہمارا دین ہے، اور اس حسن عمل كی تو بات ہی كیا ہے جو آپ کے مبارک ہاتھوں نے كئے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس كو نقل نہیں كیا۔ [المستدرك على الصحيحين/كتاب : الأهوال/حدیث: 8988]