اردو حاشہ:
فوائد و مسائل:
(1)
جس طرح مکہ مکرمہ کا شہر قابل احترام ہےاسی طرح وہ تمام علاقے جن کا تعلق حج کی ادائیگی سے قابل احترام ہیں۔

(2)
اللہ کے حکم سے چند مہینے بھی قابل احترام ہیں اس لیے انھیں حرمت والے مہینے (اشهر الحرم)
کہا جاتا ہے۔
وہ چار مہینے ہیں:
ذوالقعدہ، ذوالحجہ، محرم اوررجب بالخصوص حج کا دن یوم عرفہ (نو ذوالحجہ)
بہت زیادہ احترام کا حامل ہے۔

(3)
جو چیز سامعین کوپہلےذہن نشین کرانے کے لیے سوال کی صورت میں دریافت کی جاسکتی ہے۔
جو چیز سامعین کو پہلے سے معلوم ہواس کی اہمیت ذہن نشین کرانے کے لیے سوال کی صورت میں دریافت کی جاسکتی ہے۔

(4)
تشبیہ اور تمثیل سے علمی مسائل کو اچھی طرح سمجھایا اور ذہن نشین کرایا جاسکتا ہے۔

(5)
قیامت کے دن نبی اکرم صلی اللہ علیہ وسلم کو حوض کوثر ملے گا جس سے آپ کے وہ امتی پانی پئیں گیں جنہوں نے زندگی میں سنت نبوی پر عمل کیا ہوگا۔

(6)
  بدعتوں کو ایجاد کرنا اور ان پر عمل کرنا حوض کوثر کے پانی سے محرومی کا باعث ہے۔

(7)
امت کی کثرت تعداد شرعاً مطلوب ہے۔
لیکن یہ بھی ضروری ہےکہ اسلامی تعلیمات وہدایات کے مطابق بچوں کی بہتر تربیت کر کےانھیں ایسے مسلمان بنایا جائے جنھیں دیکھ کر قیامت کو رسول اللہ صلی اللہ علیہ وسلم کو خوشی حاصل ہو۔

(8)
رسول اللہ صلی اللہ علیہ وسلم امت کے گناہ گاروں کی سفارش کرینگے اور انھیں جہنم سے نکالیں گے۔

(9)
رسول اللہ صلی اللہ علیہ وسلم کو بعض لوگوں کی شفاعت سے منع کردیا جائے گا۔
ایسے لوگ جہنم میں طویل عرصے تک پڑے رہیں گے۔
اگر انھوں نے شرک اکبر یا کفر اکبر کا ارتکاب کیا ہوگا تو وہ ہمیشہ کے لیے جہنم میں رہینگے۔
اعاذناالله
(10)
جس طرح مسلمان کو قتل کرنا اور اس کا مال ناجائز طریقے سے حاصل کرنا حرام ہے اسی طرح اس کی بے عزتی کرنا اور اسے ذلیل کرنے کی کوشش کرنا بھی حرام ہے۔

(11)
رسول اللہ صلی اللہ علیہ وسلم نے منصب رسالت کو کما حقہ ادا فرما دیا۔
اب اگر کوئی شخص گمراہی اختیار کرتا ہے تو خود ذمہ دار ہے۔
رسول اللہ صلی اللہ علیہ وسلم کی اونٹنی کا نام عضباء (کان کٹی)
تھا۔
ویسے اس کے کان کٹے ہوئے نہیں تھے۔