”اور (اے نبی!) جب آپ اس شخص سے فرما رہے تھے جس پر اللہ نے انعام فرمایا اور آپ نے بھی اس پر احسان کیا کہ ”اپنی زوجہ کو اپنے پاس ہی رہنے دو اور اللہ سے ڈرو“، اور آپ اپنے دل میں وہ بات پوشیدہ رکھے ہوئے تھے جسے اللہ ظاہر کرنے والا تھا اور آپ لوگوں (کی طعنہ زنی) سے اندیشہ کر رہے تھے حالانکہ اللہ اس کا زیادہ حق دار ہے کہ آپ اس سے ڈریں، پھر جب زید نے اس سے اپنی حاجت پوری کر لی تو ہم نے اس (خاتون) سے آپ کا نکاح کر دیا تاکہ مومنوں پر ان کے لے پالک بیٹوں کی بیویوں کے معاملے میں کوئی تنگی نہ رہے جب وہ ان سے اپنی حاجت پوری کر لیں، اور اللہ کا حکم تو (ہر حال میں) پورا ہو کر رہنے والا تھا“۔

اللہ تعالیٰ کے اس فرمان کے بیان میں کہ ”وہ لوگ جو اللہ کے پیغامات پہنچاتے ہیں اور اسی سے ڈرتے ہیں اور اللہ کے سوا کسی سے نہیں ڈرتے، اور اللہ حساب لینے کے لیے کافی ہے“۔

”محمد (ﷺ) تمہارے مردوں میں سے کسی کے (حقیقی) والد نہیں ہیں، بلکہ وہ اللہ کے رسول اور تمام انبیاء کے خاتم (سلسلۂ نبوت کو ختم کرنے والے) ہیں، اور اللہ تعالیٰ ہر چیز کا کامل علم رکھنے والا ہے“۔

اللہ تعالیٰ کے اس ارشاد کے بیان میں کہ ”اے ایمان والو! اللہ کا کثرت سے ذکر کیا کرو۔“

”وہی ہے جو تم پر اپنی رحمتیں نازل فرماتا ہے اور اس کے فرشتے بھی (تمہارے لیے دعائے خیر کرتے ہیں) تاکہ وہ تمہیں (کفر و ضلالت کی) تاریکیوں سے نکال کر (ایمان و ہدایت کے) نور کی طرف لے جائے، اور وہ مومنوں پر ہمیشہ نہایت رحم فرمانے والا ہے۔“