(نبی کریم صلی اللہ علیہ وسلم نے فرمایا:)
”اللہ تعالیٰ نے مومن کے قاتل کو توبہ کی توفیق دینے سے انکار فرما دیا ہے۔“ [صحيح الجامع الصغير وزيادته/[حرف الألف] -- أب/حدیث: 23]

(نبی کریم صلی اللہ علیہ وسلم نے فرمایا:)
”اے ابوبکر! اللہ تعالیٰ اور اہل ایمان اس بات کو ہرگز گوارا نہیں کریں گے کہ آپ کے (خلیفہ بننے کے) معاملے میں اختلاف کیا جائے۔“ [صحيح الجامع الصغير وزيادته/[حرف الألف] -- أب/حدیث: 24]

(نبی کریم صلی اللہ علیہ وسلم نے فرمایا:)
”میں تم سے اس بات پر بیعت لیتا ہوں کہ تم اللہ کی عبادت کرو گے اور اس کے ساتھ کسی کو شریک نہیں ٹھہراؤ گے، فرض نماز قائم کرو گے، زکوٰۃ ادا کرو گے، ہر مسلمان کے ساتھ خیر خواہی کرو گے اور شرک سے مکمل بیزاری اختیار کرو گے۔“ [صحيح الجامع الصغير وزيادته/[حرف الألف] -- أب/حدیث: 25]

(نبی کریم صلی اللہ علیہ وسلم نے فرمایا:)
”میں تم سے اس بات پر بیعت لیتا ہوں کہ تم اللہ کے ساتھ کسی چیز کو شریک نہیں ٹھہراؤ گے، چوری نہیں کرو گے، زنا نہیں کرو گے، اپنی اولاد کو قتل نہیں کرو گے، اپنے پاس سے کوئی بہتان گھڑ کر نہیں لاؤ گے اور کسی بھی نیک کام میں میری نافرمانی نہیں کرو گے۔ پس تم میں سے جو کوئی اس عہد کو پورا کرے گا تو اس کا اجر اللہ کے ذمے ہے، اور جو کوئی ان (گناہوں) میں سے کسی کا ارتکاب کر بیٹھے اور اسے دنیا میں اس کی سزا مل جائے تو وہ سزا اس کے لیے کفارہ اور پاکیزگی کا ذریعہ بن جائے گی، اور جس کے گناہ کی اللہ پردہ پوشی فرما لے (یعنی دنیا میں اسے سزا نہ ملے) تو اس کا معاملہ اللہ عزوجل کے سپرد ہے، وہ چاہے تو اسے عذاب دے اور چاہے تو اسے معاف فرما دے۔“ [صحيح الجامع الصغير وزيادته/[حرف الألف] -- أب/حدیث: 26]

(نبی کریم صلی اللہ علیہ وسلم نے فرمایا:)
”(صدقہ و خرچ کرنے میں) ان لوگوں سے ابتدا کرو جن کی کفالت تمہارے ذمے ہے۔“ [صحيح الجامع الصغير وزيادته/[حرف الألف] -- أب/حدیث: 27]

(نبی کریم صلی اللہ علیہ وسلم نے فرمایا:)
”اپنی ذات سے آغاز کرو اور اس پر صدقہ (یعنی خرچ) کرو، پھر اگر کچھ بچ جائے تو اپنے اہل و عیال پر، اگر ان سے بھی کچھ بچ جائے تو اپنے قریبی رشتہ داروں پر، اور اگر رشتہ داروں پر خرچ کرنے کے بعد بھی کچھ بچ جائے تو پھر اسی طرح دائیں بائیں (دیگر ضرورت مندوں پر) خرچ کرو۔“ [صحيح الجامع الصغير وزيادته/[حرف الألف] -- أب/حدیث: 28]

(نبی کریم صلی اللہ علیہ وسلم نے فرمایا:)
”ظہر کی نماز کو (گرمی کی شدت کم ہونے پر) ٹھنڈا کر کے پڑھا کرو۔“ [صحيح الجامع الصغير وزيادته/[حرف الألف] -- أب/حدیث: 29]

(نبی کریم صلی اللہ علیہ وسلم نے فرمایا:)
”ظہر کی نماز کو (گرمی کی شدت کم ہونے پر) ٹھنڈا کر کے پڑھا کرو، کیونکہ گرمی کی شدت جہنم کی بھاپ (اور اس کے جوش) کی وجہ سے ہوتی ہے۔“ [صحيح الجامع الصغير وزيادته/[حرف الألف] -- أب/حدیث: 30]

(نبی کریم صلی اللہ علیہ وسلم نے فرمایا:)
”اے عمار! خوش ہو جاؤ، تمہیں ایک باغی گروہ شہید کرے گا۔“ [صحيح الجامع الصغير وزيادته/[حرف الألف] -- أب/حدیث: 31]

(نبی کریم صلی اللہ علیہ وسلم نے فرمایا:)
”خوش ہو جاؤ، کیونکہ اللہ تعالیٰ فرماتا ہے: یہ (بخار) میری آگ ہے جسے میں دنیا میں اپنے مومن بندے پر مسلط کرتا ہوں تاکہ یہ قیامت کے دن آگ (جہنم) سے بچاؤ کا اس کا حصہ بن جائے۔“ [صحيح الجامع الصغير وزيادته/[حرف الألف] -- أب/حدیث: 32]