(نبی کریم صلی اللہ علیہ وسلم نے فرمایا:)
”احد ایک ایسا پہاڑ ہے جو ہم سے محبت کرتا ہے اور ہم اس سے محبت کرتے ہیں۔“ [صحيح الجامع الصغير وزيادته/[حرف الألف] -- اج/حدیث: 191]

(نبی کریم صلی اللہ علیہ وسلم نے فرمایا:)
”دنیا سے بچتے رہو کیونکہ یہ سرسبز اور میٹھی (پرکشش) ہے۔“ [صحيح الجامع الصغير وزيادته/[حرف الألف] -- اج/حدیث: 192]

(نبی کریم صلی اللہ علیہ وسلم نے فرمایا:)
”قیامت کے دن اللہ تعالیٰ کے نزدیک سب سے برا نام اس شخص کا ہوگا جسے «مَلِكُ الْأَمْلَاكِ» (بادشاہوں کا بادشاہ) کے نام سے پکارا جاتا ہو۔“ [صحيح الجامع الصغير وزيادته/[حرف الألف] -- اج/حدیث: 193]

(نبی کریم صلی اللہ علیہ وسلم نے فرمایا:)
”لوگوں میں سب سے اچھی قراءت کرنے والا وہ شخص ہے کہ جب وہ قرآن پڑھے تو تمہیں محسوس ہو کہ وہ اللہ سے ڈر رہا ہے۔“ [صحيح الجامع الصغير وزيادته/[حرف الألف] -- اج/حدیث: 194]

(نبی کریم صلی اللہ علیہ وسلم نے فرمایا:)
”نماز میں صفوں کو اچھی طرح سیدھا قائم کیا کرو۔“ [صحيح الجامع الصغير وزيادته/[حرف الألف] -- اج/حدیث: 195]

(نبی کریم صلی اللہ علیہ وسلم نے فرمایا:)
”انصار کے نیکوکاروں کے ساتھ احسان کرو اور ان کے خطاکاروں سے درگزر کیا کرو۔“ [صحيح الجامع الصغير وزيادته/[حرف الألف] -- اج/حدیث: 196]

(نبی کریم صلی اللہ علیہ وسلم نے فرمایا:)
”جمع ہو جاؤ، بیشک میں تمہیں ایک تہائی قرآن سناؤں گا۔ پھر آپ نے ﴿قُلْ هُوَ اللَّهُ أَحَدٌ﴾ [سورة الإخلاص: 1] پڑھی اور فرمایا: سن لو! یقیناً یہ سورت ایک تہائی قرآن کے برابر ہے۔“ [صحيح الجامع الصغير وزيادته/[حرف الألف] -- اج/حدیث: 197]

(نبی کریم صلی اللہ علیہ وسلم نے فرمایا:)
”رمضان (کے روزوں) کی خاطر شعبان کے چاند کی تاریخیں گن کر یاد رکھا کرو۔“ [صحيح الجامع الصغير وزيادته/[حرف الألف] -- اج/حدیث: 198]

(نبی کریم صلی اللہ علیہ وسلم نے فرمایا:)
”رمضان کی خاطر شعبان کے چاند کا حساب رکھا کرو اور رمضان سے ایک دو دن پہلے روزے رکھ کر اسے مت ملاؤ، سوائے اس کے کہ وہ دن کسی ایسے روزے کے موافق آ جائے جو تم میں سے کوئی معمول کے مطابق رکھتا ہو، اور چاند دیکھ کر روزہ رکھو اور چاند دیکھ کر ہی افطار (عید) کرو، پس اگر تم پر مطلع ابر آلود ہو جائے تو تیس دن کی گنتی پوری کر لو، کیونکہ گنتی کا حساب تم پر پوشیدہ نہیں ہے۔“ [صحيح الجامع الصغير وزيادته/[حرف الألف] -- اج/حدیث: 199]

(نبی کریم صلی اللہ علیہ وسلم نے فرمایا:)
”جمعہ کی نماز میں حاضر ہوا کرو اور امام کے قریب بیٹھا کرو، کیونکہ انسان مسلسل پیچھے ہٹتا رہتا ہے یہاں تک کہ اسے جنت میں بھی پیچھے کر دیا جائے گا، خواہ وہ اس میں داخل ہی کیوں نہ ہو جائے۔“ [صحيح الجامع الصغير وزيادته/[حرف الألف] -- اج/حدیث: 200]