(نبی کریم صلی اللہ علیہ وسلم نے فرمایا:)
”جب تم میں سے کسی کو کھانے کی دعوت دی جائے تو اسے چاہیے کہ وہ اسے قبول کرے، پس اگر وہ روزے سے نہ ہو تو کھا لے اور اگر روزے سے ہو تو اس کے لیے دعا کرے۔“ [صحيح الجامع الصغير وزيادته/[حرف الألف] -- أد/حدیث: 539]

(نبی کریم صلی اللہ علیہ وسلم نے فرمایا:)
”جب تم میں سے کسی کو کھانے کی دعوت دی جائے اور وہ روزے سے ہو تو اسے چاہیے کہ وہ کہہ دے: میں روزے سے ہوں۔“ [صحيح الجامع الصغير وزيادته/[حرف الألف] -- أد/حدیث: 540]

(نبی کریم صلی اللہ علیہ وسلم نے فرمایا:)
”جب تم میں سے کسی کو شادی کے ولیمے کی دعوت دی جائے تو اسے چاہیے کہ وہ اسے قبول کرے۔“ [صحيح الجامع الصغير وزيادته/[حرف الألف] -- أد/حدیث: 541]

(نبی کریم صلی اللہ علیہ وسلم نے فرمایا:)
”جب تم میں سے کسی کو ولیمے کی دعوت دی جائے تو اسے چاہیے کہ وہ اسے قبول کرے، خواہ وہ روزے سے ہی کیوں نہ ہو۔“ [صحيح الجامع الصغير وزيادته/[حرف الألف] -- أد/حدیث: 542]

(نبی کریم صلی اللہ علیہ وسلم نے فرمایا:)
”جب تم میں سے کسی کو بلایا جائے اور وہ قاصد کے ساتھ ہی آ جائے تو یہی (ساتھ آنا) اس کے لیے (اندر داخل ہونے کی) اجازت ہے۔“ [صحيح الجامع الصغير وزيادته/[حرف الألف] -- أد/حدیث: 543]

(نبی کریم صلی اللہ علیہ وسلم نے فرمایا:)
”جب تمہیں (معمولی کھانے یعنی بکری کے) پائے کی بھی دعوت دی جائے تو اسے قبول کرو۔“ [صحيح الجامع الصغير وزيادته/[حرف الألف] -- أد/حدیث: 544]

(نبی کریم صلی اللہ علیہ وسلم نے فرمایا:)
”جب میرے صحابہ کا (تنقیدی) ذکر کیا جائے تو (اپنی زبانوں کو) روک لو، اور جب ستاروں کی (تاثیر کا) ذکر کیا جائے تو خاموش رہو، اور جب تقدیر کے مسئلے پر بحث ہو تو اس سے باز رہو۔“ [صحيح الجامع الصغير وزيادته/[حرف الألف] -- أد/حدیث: 545]

(نبی کریم صلی اللہ علیہ وسلم نے فرمایا:)
”جب تمہیں اللہ کا واسطہ دے کر کسی کام سے روکا جائے تو فوراً رک جاؤ۔“ [صحيح الجامع الصغير وزيادته/[حرف الألف] -- أد/حدیث: 546]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص قضائے حاجت کے لیے جائے تو اسے چاہیے کہ وہ اپنے ساتھ تین پتھر لے جائے جن سے وہ طہارت حاصل کرے، پس یقیناً یہ اس کے لیے کافی ہو جائیں گے۔“ [صحيح الجامع الصغير وزيادته/[حرف الألف] -- أد/حدیث: 547]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص اچھا خواب دیکھے تو اسے چاہیے کہ اس کی (اچھی) تعبیر نکالے اور اسے (دوسروں کو) بتائے، اور جب وہ کوئی برا خواب دیکھے تو نہ اس کی تعبیر نکالے اور نہ ہی کسی کو اس کے بارے میں بتائے۔“ [صحيح الجامع الصغير وزيادته/[حرف الألف] -- أد/حدیث: 548]