(نبی کریم صلی اللہ علیہ وسلم نے فرمایا:)
”بے شک آگ کے رب (اللہ) کے سوا کسی اور کے لیے یہ لائق نہیں کہ وہ (کسی کو) آگ کا عذاب دے۔“ [صحيح الجامع الصغير وزيادته/[حرف الألف] -- إن ك/حدیث: 2425]

(نبی کریم صلی اللہ علیہ وسلم نے فرمایا:)
”بے شک کسی نبی کے شایانِ شان نہیں کہ وہ چھپ کر کنکھیوں سے اشارے کرے (یعنی اس کی آنکھ میں خیانت ہو)۔“ [صحيح الجامع الصغير وزيادته/[حرف الألف] -- إن ك/حدیث: 2426]

(نبی کریم صلی اللہ علیہ وسلم نے فرمایا:)
”بلاشبہ اس شخص کی نسل سے ایسی قوم نکلے گی جو اللہ کی کتاب کی بہت روانی سے تلاوت کرے گی لیکن وہ ان کے حلق سے نیچے نہیں اترے گی۔ وہ دین سے اس طرح تیزی سے نکل جائیں گے جیسے تیر شکار کے پار نکل جاتا ہے۔ اگر میں نے ان (لوگوں) کو پا لیا تو میں انہیں قومِ ثمود کے قتل کیے جانے کی طرح ضرور قتل کروں گا۔“ [صحيح الجامع الصغير وزيادته/[حرف الألف] -- إن ك/حدیث: 2427]

(نبی کریم صلی اللہ علیہ وسلم نے فرمایا:)
”بے شک یہ ایک پرامن حرم ہے، بے شک یہ ایک پرامن حرم ہے۔ (اس سے آپ صلی اللہ علیہ وسلم کی مراد مدینہ منورہ تھا)۔“ [صحيح الجامع الصغير وزيادته/[حرف الألف] -- إن ك/حدیث: 2428]

(نبی کریم صلی اللہ علیہ وسلم نے فرمایا:)
”بے شک میرے بعد تم پر ایسے حکمران مسلط ہوں گے جنہیں کچھ (دنیاوی) معاملات نماز کو اس کے مقررہ وقت پر ادا کرنے سے غافل کر دیں گے یہاں تک کہ اس کا وقت نکل جایا کرے گا، لہٰذا تم اپنی نماز کو اس کے وقت پر ہی پڑھ لیا کرنا۔ ایک شخص نے پوچھا: اگر میں ان کے ساتھ بھی نماز کا وقت پا لوں تو کیا ان کے ساتھ بھی پڑھ لوں؟ آپ صلی اللہ علیہ وسلم نے فرمایا: ہاں، اگر تم چاہو تو (پڑھ لو)۔“ [صحيح الجامع الصغير وزيادته/[حرف الألف] -- إن ك/حدیث: 2429]

(نبی کریم صلی اللہ علیہ وسلم نے فرمایا:)
”بے شک عنقریب فتنے رونما ہوں گے، سن لو! پھر ایک ایسا فتنہ برپا ہوگا جس میں لیٹا ہوا شخص بیٹھے ہوئے سے بہتر ہوگا، اور بیٹھا ہوا شخص کھڑے ہونے والے سے بہتر ہوگا، اور کھڑا رہنے والا شخص چلنے والے سے بہتر ہوگا، اور چلنے والا شخص اس کی طرف دوڑنے والے سے بہتر ہوگا۔ خبردار! پس جب وہ فتنہ نازل ہو جائے یا واقع ہو جائے تو جس شخص کے پاس اونٹ ہوں وہ اپنے اونٹوں میں چلا جائے، اور جس کے پاس بکریاں ہوں وہ اپنی بکریوں میں چلا جائے، اور جس کے پاس زمین ہو وہ اپنی زمین میں چلا جائے۔ اور جس کے پاس ان میں سے کچھ بھی نہ ہو، تو اسے چاہیے کہ وہ اپنی تلوار پکڑے اور اس کی دھار کو کسی پتھر پر مار کر توڑ دے (تاکہ وہ کسی کو قتل کرنے کے قابل نہ رہے)، پھر اگر وہ خود کو بچا سکتا ہے تو بچائے۔ اے اللہ! کیا میں نے (تیرا پیغام) پہنچا دیا؟ اے اللہ! کیا میں نے (تیرا پیغام) پہنچا دیا؟“ [صحيح الجامع الصغير وزيادته/[حرف الألف] -- إن ك/حدیث: 2430]

(نبی کریم صلی اللہ علیہ وسلم نے فرمایا:)
”عنقریب ایک ایسا فتنہ برپا ہوگا جس میں بیٹھنے والا کھڑے ہونے والے سے بہتر ہوگا، اور کھڑا رہنے والا چلنے والے سے بہتر ہوگا، اور چلنے والا اس کی طرف دوڑنے والے سے بہتر ہوگا۔ (صحابہ کرام نے) عرض کی: آپ کا کیا خیال ہے اگر کوئی (مجھے قتل کرنے) میرے گھر میں گھس آئے؟ آپ صلی اللہ علیہ وسلم نے فرمایا: تو پھر آدم کے بیٹے (ہابیل) کی طرح (مظلوم) بن جانا (لیکن قتل کے لیے ہاتھ نہ اٹھانا)۔“ [صحيح الجامع الصغير وزيادته/[حرف الألف] -- إن ك/حدیث: 2431]

(نبی کریم صلی اللہ علیہ وسلم نے فرمایا:)
”عنقریب فتنہ، پھوٹ اور شدید اختلاف پیدا ہوگا۔ پس جب ایسا ہو تو اپنی تلوار لے کر کوہِ احد (یا کسی بھی پتھر) پر مارنا یہاں تک کہ وہ ٹوٹ جائے، پھر اپنے گھر میں بیٹھ جانا یہاں تک کہ تجھے کوئی خطا کار ہاتھ (قتل کرنے) آ پہنچے یا تیری موت آ جائے۔“ [صحيح الجامع الصغير وزيادته/[حرف الألف] -- إن ك/حدیث: 2432]

(نبی کریم صلی اللہ علیہ وسلم نے فرمایا:)
”یہ (نماز جو میں نے ابھی پڑھی ہے) رغبت اور خوف کی نماز تھی۔ میں نے اس میں اللہ تعالیٰ سے تین چیزوں کا سوال کیا، تو اس نے مجھے دو عطا فرما دیں اور ایک سے منع فرما دیا۔ میں نے اس سے سوال کیا کہ وہ تم پر ایسا (عام اور ہلاک کر دینے والا) عذاب مسلط نہ کرے جو تم سے پہلی امتوں پر آیا تھا، تو اس نے مجھے یہ بات عطا فرما دی۔ اور میں نے اس سے دعا کی کہ وہ تمہارے مرکز پر کوئی ایسا بیرونی دشمن مسلط نہ کرے جو اسے جڑ سے تباہ کر دے، تو اس نے مجھے یہ بات بھی عطا فرما دی۔ اور میں نے اس سے دعا کی کہ وہ تمہیں مختلف گروہوں میں نہ بانٹے اور تم میں سے بعض کو بعض کی طاقت و جنگ کا مزہ نہ چکھائے (یعنی آپس میں خانہ جنگی نہ ہو)، تو اس نے مجھے اس بات سے منع فرما دیا۔“ [صحيح الجامع الصغير وزيادته/[حرف الألف] -- إن ك/حدیث: 2433]

(نبی کریم صلی اللہ علیہ وسلم نے فرمایا:)
”بلاشبہ یہ طابہ (مدینہ منورہ) ہے، یہ (برے) لوگوں کو اس طرح نکال باہر کرتا ہے جس طرح آگ لوہے کے میل کچیل کو دور کر دیتی ہے۔“ [صحيح الجامع الصغير وزيادته/[حرف الألف] -- إن ك/حدیث: 2434]