(نبی کریم صلی اللہ علیہ وسلم نے فرمایا:)
”شہداء کی روحیں پرندوں کی شکل میں درختوں سے لٹکی رہیں گی، یہاں تک کہ جب قیامت کا دن آئے گا تو ہر روح اپنے جسم میں داخل ہو جائے گی۔“ [صحيح الجامع الصغير وزيادته/حرف التاء./حدیث: 2989]

(نبی کریم صلی اللہ علیہ وسلم نے فرمایا:)
”ایسے حکمران ہوں گے جو جو چاہیں کہیں گے اور کوئی انہیں جواب نہیں دے گا، وہ آگ میں گریں گے، ایک دوسرے کے پیچھے۔“ [صحيح الجامع الصغير وزيادته/حرف التاء./حدیث: 2990]

(نبی کریم صلی اللہ علیہ وسلم نے فرمایا:)
”تمہارے اور بنی اصفر (رومیوں) کے درمیان صلح ہو گی، پھر وہ تم سے دغا کریں گے اور اسّی جھنڈوں کے نیچے تمہاری طرف بڑھیں گے، ہر جھنڈے کے نیچے بارہ ہزار فوجی ہوں گے۔“ [صحيح الجامع الصغير وزيادته/حرف التاء./حدیث: 2991]

(نبی کریم صلی اللہ علیہ وسلم نے فرمایا:)
”قیامت سے پہلے ایسے دن آئیں گے جن میں علم اٹھا لیا جائے گا، جہالت نازل ہو گی، اور ہرج کی کثرت ہو گی، اور ہرج سے مراد قتل ہے۔“ [صحيح الجامع الصغير وزيادته/حرف التاء./حدیث: 2992]

(نبی کریم صلی اللہ علیہ وسلم نے فرمایا:)
”قیامت سے پہلے ایسے فتنے آئیں گے جیسے تاریک رات کے ٹکڑے، آدمی صبح مومن ہو گا اور شام کافر ہو جائے گا، اور شام مومن ہو گا اور صبح کافر ہو جائے گا، لوگ اپنے دین کو دنیا کے تھوڑے سے مال کے بدلے بیچ ڈالیں گے۔“ [صحيح الجامع الصغير وزيادته/حرف التاء./حدیث: 2993]

(نبی کریم صلی اللہ علیہ وسلم نے فرمایا:)
”جہنم کے دروازوں پر کچھ دعوت دینے والے ہوں گے، جو ان کی دعوت قبول کر لے گا وہ اسے اس میں جھونک دیں گے، وہ ہماری ہی قوم کے لوگ ہوں گے، ہماری ہی زبان بولیں گے، پس تم مسلمانوں کی جماعت اور ان کے امام کو لازم پکڑ لو، اور اگر نہ کوئی جماعت ہو اور نہ کوئی امام تو ان تمام فرقوں سے الگ ہو جاؤ، خواہ تمہیں کسی درخت کی جڑ کاٹنی پڑے یہاں تک کہ اسی حالت میں تمہیں موت آ جائے۔“ [صحيح الجامع الصغير وزيادته/حرف التاء./حدیث: 2994]

(نبی کریم صلی اللہ علیہ وسلم نے فرمایا:)
”صلح ہو گی مگر دلوں میں کدورت ہو گی جو پہلی حالت پر نہیں لوٹے گی، پھر گمراہی کی طرف بلانے والے پیدا ہوں گے، پس اگر تم اس دن اللہ کا خلیفہ زمین پر پاؤ تو اسے لازم پکڑ لو، خواہ وہ تمہارا جسم گھلا دے اور تمہارا مال لے لے، اور اگر تم اسے نہ پاؤ تو زمین میں نکل جاؤ، خواہ تمہیں اسی حال میں موت آ جائے کہ تم درخت کا تنا کاٹ رہے ہو۔“ [صحيح الجامع الصغير وزيادته/حرف التاء./حدیث: 2995]

(نبی کریم صلی اللہ علیہ وسلم نے فرمایا:)
”زمین اپنے اندر کے خزانے اس طرح باہر پھینک دے گی جیسے سونے اور چاندی کے ستون ہوں، تو قاتل آ کر کہے گا: اسی کے لیے میں نے قتل کیا تھا، اور قطع رحمی کرنے والا آ کر کہے گا: اسی کے لیے میں نے اپنے رشتے توڑے تھے، اور چور آ کر کہے گا: اسی کے لیے میرا ہاتھ کاٹا گیا تھا، پھر وہ سب اسے چھوڑ دیں گے اور اس میں سے کچھ بھی نہیں لیں گے۔“ [صحيح الجامع الصغير وزيادته/حرف التاء./حدیث: 2996]

(نبی کریم صلی اللہ علیہ وسلم نے فرمایا:)
”مسلمانوں کے آپس میں تفرقے کے وقت ایک باغی گروہ نکلے گا، تو دونوں گروہوں میں سے جو حق کے زیادہ قریب ہو گا وہ انہیں قتل کرے گا۔“ [صحيح الجامع الصغير وزيادته/حرف التاء./حدیث: 2997]

(نبی کریم صلی اللہ علیہ وسلم نے فرمایا:)
”زمین سے صفائی حاصل کیا کرو، کیونکہ یہ تمہارے ساتھ نیک اور مہربان ہے۔“ [صحيح الجامع الصغير وزيادته/حرف التاء./حدیث: 2998]