(نبی کریم صلی اللہ علیہ وسلم نے فرمایا:)
”کلی کرو اور ناک میں پانی چڑھاؤ، اور دونوں کان سر کا حصہ ہیں۔“ [صحيح الجامع الصغير وزيادته/حرف التاء./حدیث: 2999]

(نبی کریم صلی اللہ علیہ وسلم نے فرمایا:)
”میری آنکھیں سوتی ہیں لیکن میرا دل نہیں سوتا۔“ [صحيح الجامع الصغير وزيادته/حرف التاء./حدیث: 3000]

(نبی کریم صلی اللہ علیہ وسلم نے فرمایا:)
”آسمان سے مدد خرچ کے بقدر اترتی ہے، اور صبر مصیبت کے بقدر اترتا ہے۔“ [صحيح الجامع الصغير وزيادته/حرف التاء./حدیث: 3001]

(نبی کریم صلی اللہ علیہ وسلم نے فرمایا:)
”پیشاب سے بچا کرو، کیونکہ عذاب قبر کا زیادہ تر حصہ اسی سے ہوتا ہے۔“ [صحيح الجامع الصغير وزيادته/حرف التاء./حدیث: 3002]

(نبی کریم صلی اللہ علیہ وسلم نے فرمایا:)
”عورت سے چار وجوہات کی بنا پر نکاح کیا جاتا ہے: اس کے مال کی وجہ سے، اس کے حسب و نسب کی وجہ سے، اس کی خوبصورتی کی وجہ سے، اور اس کے دین کی وجہ سے، پس تم دیندار عورت کو حاصل کرو، تمہارے ہاتھ خاک آلود ہوں۔“ [صحيح الجامع الصغير وزيادته/حرف التاء./حدیث: 3003]

(نبی کریم صلی اللہ علیہ وسلم نے فرمایا:)
”آپس میں ہدیہ دیا کرو، تم ایک دوسرے سے محبت کرنے لگو گے۔“ [صحيح الجامع الصغير وزيادته/حرف التاء./حدیث: 3004]

(نبی کریم صلی اللہ علیہ وسلم نے فرمایا:)
”اللہ تعالیٰ کی طرف توبہ کیا کرو، کیونکہ میں دن میں سو مرتبہ اس کی طرف توبہ کرتا ہوں۔“ [صحيح الجامع الصغير وزيادته/حرف التاء./حدیث: 3005]

(نبی کریم صلی اللہ علیہ وسلم نے فرمایا:)
”اونٹ کا گوشت کھانے کے بعد وضو کرو، اور بکری کا گوشت کھانے کے بعد وضو نہ کرو، اور بکریوں کے باڑوں میں نماز پڑھو، اور اونٹوں کے بیٹھنے کی جگہوں میں نماز نہ پڑھو۔“ [صحيح الجامع الصغير وزيادته/حرف التاء./حدیث: 3006]

(نبی کریم صلی اللہ علیہ وسلم نے فرمایا:)
”جس چیز کو آگ نے چھوا ہو اس کے کھانے سے وضو کرو۔“ [صحيح الجامع الصغير وزيادته/حرف التاء./حدیث: 3007]