(نبی کریم صلی اللہ علیہ وسلم نے فرمایا:)
”جمعہ کے دن فرشتے مسجد کے دروازوں پر بھیجے جاتے ہیں، وہ سب سے پہلے آنے والے کا نام لکھتے ہیں، پھر اس کے بعد آنے والے کا۔ پھر جب امام منبر پر چڑھ جاتا ہے تو اعمال نامے لپیٹ دیے جاتے ہیں۔“ [صحيح الجامع الصغير وزيادته/حرف التاء./حدیث: 2909]

(نبی کریم صلی اللہ علیہ وسلم نے فرمایا:)
”جس شخص نے قبلہ کی طرف رخ کر کے تھوکا ہوگا، قیامت کے دن اس کا وہ بلغم (یا تھوک) اس طرح لایا جائے گا کہ وہ اس کے چہرے پر لگا ہوا ہوگا۔“ [صحيح الجامع الصغير وزيادته/حرف التاء./حدیث: 2910]

(نبی کریم صلی اللہ علیہ وسلم نے فرمایا:)
”مومن کا زیور (جنت میں) وہاں تک پہنچے گا جہاں تک اس کے وضو کا پانی پہنچتا ہے۔“ [صحيح الجامع الصغير وزيادته/حرف التاء./حدیث: 2911]

(نبی کریم صلی اللہ علیہ وسلم نے فرمایا:)
”(مدینہ کی) آبادیاں (پھیل کر) مقامِ اہاب تک پہنچ جائیں گی۔“ [صحيح الجامع الصغير وزيادته/حرف التاء./حدیث: 2912]

(نبی کریم صلی اللہ علیہ وسلم نے فرمایا:)
”تم مدینہ کو اس کی بہترین حالت میں چھوڑ دو گے، اس میں صرف پرندے اور درندے (آ کر) رہا کریں گے۔ اور سب سے آخر میں قبیلہ مزینہ کے دو چرواہے جمع کیے جائیں گے جو مدینہ آنا چاہیں گے، وہ اپنی بکریوں کو ہانکتے ہوئے لائیں گے تو انہیں جنگلی جانوروں کی شکل میں پائیں گے۔ یہاں تک کہ جب وہ ثنیۃ الوداع (کی گھاٹی) پر پہنچیں گے تو اپنے منہ کے بل گر پڑیں گے (یعنی وفات پا جائیں گے)۔“ [صحيح الجامع الصغير وزيادته/حرف التاء./حدیث: 2913]

(نبی کریم صلی اللہ علیہ وسلم نے فرمایا:)
”شریف اور باوقار لوگوں کی (چھوٹی موٹی) لغزشوں پر انہیں سزا دینے سے درگزر کرو۔“ [صحيح الجامع الصغير وزيادته/حرف التاء./حدیث: 2914]

(نبی کریم صلی اللہ علیہ وسلم نے فرمایا:)
”ہر مسلمان پر جمعہ (کی نماز) پڑھنا فرض ہے، سوائے عورت، بچے یا غلام کے۔“ [صحيح الجامع الصغير وزيادته/حرف التاء./حدیث: 2915]

(نبی کریم صلی اللہ علیہ وسلم نے فرمایا:)
”تم لوگوں کو کانوں (معدنیات) کی طرح پاؤ گے، ان میں سے جو لوگ زمانہ جاہلیت میں بہتر تھے، وہ اسلام لانے کے بعد بھی بہتر ہیں بشرطیکہ وہ دین کی سمجھ بوجھ حاصل کر لیں۔ اور تم اس (حکومت اور امارت کے) معاملے میں سب سے بہتر شخص اسے پاؤ گے جو اس عہدے میں پڑنے سے پہلے اس سے سب سے زیادہ کراہت محسوس کرتا ہو۔ اور تم قیامت کے دن اللہ کے نزدیک سب سے برا شخص اسے پاؤ گے جو دوغلا (دو چہرے والا) ہو: (یعنی وہ جو ایک گروہ کے پاس ایک رخ لے کر جاتا ہے اور دوسرے کے پاس دوسرا رخ)۔“ [صحيح الجامع الصغير وزيادته/حرف التاء./حدیث: 2916]

(نبی کریم صلی اللہ علیہ وسلم نے فرمایا:)
”نماز میں تخفیف کیا کرو، کیونکہ تمہارے پیچھے کمزور، بوڑھا اور حاجت مند شخص بھی ہوتا ہے۔“ [صحيح الجامع الصغير وزيادته/حرف التاء./حدیث: 2917]

(نبی کریم صلی اللہ علیہ وسلم نے فرمایا:)
”قیامت سے پہلے ایک ہوا چلے گی جس میں ہر مومن کی روح قبض کر لی جائے گی۔“ [صحيح الجامع الصغير وزيادته/حرف التاء./حدیث: 2918]