(نبی کریم صلی اللہ علیہ وسلم نے فرمایا:)
”میں ضرور اس بات سے منع کروں گا کہ کسی کا نام نافع، برکت اور یسار رکھا جائے۔“ [صحيح الجامع الصغير وزيادته/حرف اللام./حدیث: 5056]

(نبی کریم صلی اللہ علیہ وسلم نے فرمایا:)
”میں حاضر ہوں، اے برحق معبود! میں حاضر ہوں۔“ [صحيح الجامع الصغير وزيادته/حرف اللام./حدیث: 5057]

(نبی کریم صلی اللہ علیہ وسلم نے فرمایا:)
”میں حاضر ہوں، اے اللہ! میں حاضر ہوں، بے شک اصل بھلائی آخرت کی بھلائی ہے۔“ [صحيح الجامع الصغير وزيادته/حرف اللام./حدیث: 5058]

(نبی کریم صلی اللہ علیہ وسلم نے فرمایا:)
”میں حاضر ہوں، اے اللہ! میں حاضر ہوں، میں حاضر ہوں، تیرا کوئی شریک نہیں، میں حاضر ہوں، بے شک تمام تعریف، نعمت اور بادشاہت تیرے ہی لیے ہے، تیرا کوئی شریک نہیں۔“ [صحيح الجامع الصغير وزيادته/حرف اللام./حدیث: 5059]

(نبی کریم صلی اللہ علیہ وسلم نے فرمایا:)
”دودھ دینے والے جانور کا دودھ، جب وہ گروی ہو، اس کے خرچ اٹھانے والے کے بدلے دوہا جائے گا، اور سواری کا جانور، جب وہ گروی ہو، اس کے خرچ اٹھانے والے کے بدلے سوار کیا جائے گا، اور جو سوار ہو اور دودھ دوہے اسی پر خرچ بھی لازم ہے۔“ [صحيح الجامع الصغير وزيادته/حرف اللام./حدیث: 5060]

(نبی کریم صلی اللہ علیہ وسلم نے فرمایا:)
”تم مجھ سے اپنے حج کے طریقے سیکھ لو، کیونکہ مجھے نہیں معلوم، شاید میں اپنے اس حج کے بعد پھر حج نہ کر سکوں۔“ [صحيح الجامع الصغير وزيادته/حرف اللام./حدیث: 5061]

(نبی کریم صلی اللہ علیہ وسلم نے فرمایا:)
”قیامت کے دن ہر حق دار کو اس کا حق ضرور دلایا جائے گا، یہاں تک کہ بغیر سینگ والی بکری کا بدلہ اس سینگ والی بکری سے لیا جائے گا جس نے اسے سینگ مارا تھا۔“ [صحيح الجامع الصغير وزيادته/حرف اللام./حدیث: 5062]

(نبی کریم صلی اللہ علیہ وسلم نے فرمایا:)
”تم ضرور اپنے سے پہلے لوگوں کے طریقوں کی، بالشت بہ بالشت اور ہاتھ بہ ہاتھ، پیروی کرو گے، یہاں تک کہ اگر وہ کسی گوہ کے بل میں گھسے ہوں تو تم بھی اس میں گھس جاؤ گے۔“ صحابہ نے پوچھا: ”کیا یہود و نصاریٰ مراد ہیں؟“ آپ صلی اللہ علیہ وسلم نے فرمایا: ”پھر اور کون؟“ [صحيح الجامع الصغير وزيادته/حرف اللام./حدیث: 5063]

(نبی کریم صلی اللہ علیہ وسلم نے فرمایا:)
”جوان کنواری لڑکیاں، پردہ نشین عورتیں اور حائضہ عورتیں عید گاہ کی طرف ضرور نکلیں، وہ بھلائی اور مسلمانوں کی دعا میں شریک ہوں، البتہ حائضہ عورتیں نماز کی جگہ سے الگ رہیں۔“ [صحيح الجامع الصغير وزيادته/حرف اللام./حدیث: 5064]

(نبی کریم صلی اللہ علیہ وسلم نے فرمایا:)
”تم ضرور جنت میں داخل ہو گے، سوائے اس کے جس نے انکار کیا اور اللہ سے اس طرح بھاگا جیسے اونٹ بھاگتا ہے۔“ [صحيح الجامع الصغير وزيادته/حرف اللام./حدیث: 5065]