(نبی کریم صلی اللہ علیہ وسلم نے فرمایا:)
”تم میں سے عقل اور سمجھ رکھنے والے میرے قریب کھڑے ہوں، پھر ان کے بعد والے، پھر ان کے بعد والے، اور آپس میں اختلاف نہ کرو ورنہ تمہارے دل بھی مختلف ہو جائیں گے، اور بازاروں کے شور و غل سے بچو۔“ [صحيح الجامع الصغير وزيادته/حرف اللام./حدیث: 5476]

(نبی کریم صلی اللہ علیہ وسلم نے فرمایا:)
”ہر دو آدمیوں میں سے ایک نکلے اور اجر ان دونوں کے درمیان مشترک ہوگا۔“ [صحيح الجامع الصغير وزيادته/حرف اللام./حدیث: 5477]

(نبی کریم صلی اللہ علیہ وسلم نے فرمایا:)
”اسلام کی گرہیں ایک ایک کر کے ضرور کھلتی جائیں گی۔“ [صحيح الجامع الصغير وزيادته/حرف اللام./حدیث: 5478]

(نبی کریم صلی اللہ علیہ وسلم نے فرمایا:)
”کچھ لوگ نماز میں دعا کے وقت اپنی نگاہیں آسمان کی طرف اٹھانے سے ضرور باز آ جائیں، ورنہ ان کی نگاہیں اچک لی جائیں گی۔“ [صحيح الجامع الصغير وزيادته/حرف اللام./حدیث: 5479]

(نبی کریم صلی اللہ علیہ وسلم نے فرمایا:)
”کچھ لوگ جمعے چھوڑنے سے ضرور باز آ جائیں، ورنہ اللہ ان کے دلوں پر مہر لگا دے گا، پھر وہ غافلوں میں سے ہو جائیں گے۔“ [صحيح الجامع الصغير وزيادته/حرف اللام./حدیث: 5480]

(نبی کریم صلی اللہ علیہ وسلم نے فرمایا:)
”کچھ لوگ جو نماز میں اپنی نگاہیں آسمان کی طرف اٹھاتے ہیں، وہ اس سے ضرور باز آ جائیں، ورنہ ان کی نگاہیں ان کی طرف واپس نہیں آئیں گی۔“ [صحيح الجامع الصغير وزيادته/حرف اللام./حدیث: 5481]

(نبی کریم صلی اللہ علیہ وسلم نے فرمایا:)
”کچھ لوگ جو اپنے مرے ہوئے آبا و اجداد پر فخر کرتے ہیں، وہ اس سے ضرور باز آ جائیں، وہ آبا و اجداد تو جہنم کا کوئلہ ہیں، ورنہ وہ اللہ کے نزدیک اس گبریلے کیڑے سے بھی زیادہ حقیر ہو جائیں گے جو اپنی ناک سے گندگی کو لڑھکاتا ہے، بے شک اللہ نے تم سے جاہلیت کا تکبر اور آباؤ اجداد پر فخر کرنا دور کر دیا ہے، آدمی یا تو مومن پرہیزگار ہے یا بدکار بدبخت، تمام لوگ آدم کی اولاد ہیں اور آدم مٹی سے پیدا کیے گئے تھے۔“ [صحيح الجامع الصغير وزيادته/حرف اللام./حدیث: 5482]

(نبی کریم صلی اللہ علیہ وسلم نے فرمایا:)
”آدمی اپنے بھائی کی مدد کرے چاہے وہ ظالم ہو یا مظلوم، اگر وہ ظالم ہو تو اسے ظلم سے روکے، کیونکہ یہی اس کی مدد ہے، اور اگر وہ مظلوم ہو تو اس کی مدد کرے۔“ [صحيح الجامع الصغير وزيادته/حرف اللام./حدیث: 5483]

(نبی کریم صلی اللہ علیہ وسلم نے فرمایا:)
”عافیت والے لوگ قیامت کے دن یہ تمنا ضرور کریں گے کہ کاش ان کی کھالیں قینچیوں سے کاٹی جاتیں، جب وہ آزمائش والوں کا ثواب دیکھیں گے۔“ [صحيح الجامع الصغير وزيادته/حرف اللام./حدیث: 5484]

(نبی کریم صلی اللہ علیہ وسلم نے فرمایا:)
”ایک آدمی ضرور یہ تمنا کرے گا کہ کاش وہ ثریا سے گر پڑا ہوتا اور اس نے لوگوں کے کسی معاملے کی ذمہ داری نہ سنبھالی ہوتی۔“ [صحيح الجامع الصغير وزيادته/حرف اللام./حدیث: 5485]