(نبی کریم صلی اللہ علیہ وسلم نے فرمایا:)
”میری امت میں ایسے لوگ ضرور ہوں گے جو خز (ریشم ملا کپڑا)، ریشم، شراب اور باجوں کو حلال سمجھیں گے، اور کچھ لوگ ایک پہاڑ کے دامن میں ڈیرا ڈالیں گے، ان کے مویشی شام کو ان کے پاس واپس آئیں گے، ان کے پاس ایک ضرورت مند شخص آئے گا تو وہ اسے کہیں گے: کل ہمارے پاس آنا، پس اللہ رات کو ان پر پہاڑ گرا دے گا اور کچھ کو قیامت تک کے لیے بندر اور خنزیر بنا دے گا۔“ [صحيح الجامع الصغير وزيادته/حرف اللام./حدیث: 5466]

(نبی کریم صلی اللہ علیہ وسلم نے فرمایا:)
”اس امت میں زمین میں دھنسنا، پتھراؤ اور مسخ ہونا ضرور واقع ہوگا، اور یہ اس وقت ہوگا جب لوگ شراب پئیں گے، گانے والیاں رکھیں گے اور باجے بجائیں گے۔“ [صحيح الجامع الصغير وزيادته/حرف اللام./حدیث: 5467]

(نبی کریم صلی اللہ علیہ وسلم نے فرمایا:)
”معراج کی رات میں نے موسیٰ کو دیکھا، وہ ایک دبلے پتلے آدمی تھے، گویا وہ قبیلہ شنوءہ کے مردوں میں سے تھے، اور میں نے عیسیٰ کو دیکھا، وہ میانہ قد کے سرخ رنگ کے آدمی تھے، گویا وہ ابھی غسل خانے سے نکلے ہوں، اور میں نے ابراہیم کو دیکھا، اور میں ان کی اولاد میں سے ان سے سب سے زیادہ مشابہ ہوں، پھر میرے پاس دو برتن لائے گئے، ایک میں دودھ تھا اور دوسرے میں شراب، تو مجھ سے کہا گیا: ان میں سے جو چاہو پی لو، تو میں نے دودھ لیا اور اسے پی لیا، تو مجھ سے کہا گیا: تم نے فطرت کو پا لیا، سن لو! اگر تم شراب لے لیتے تو تمہاری امت گمراہ ہو جاتی۔“ [صحيح الجامع الصغير وزيادته/حرف اللام./حدیث: 5468]

(نبی کریم صلی اللہ علیہ وسلم نے فرمایا:)
”جس رات مجھے معراج کرائی گئی، میں فرشتوں کی جس جماعت کے پاس سے بھی گزرا انہوں نے مجھے پچھنے لگوانے کا حکم دیا۔“ [صحيح الجامع الصغير وزيادته/حرف اللام./حدیث: 5469]

(نبی کریم صلی اللہ علیہ وسلم نے فرمایا:)
”مہمان کی ایک رات ہر مسلمان پر حق ہے، پس جو مہمان کسی کے صحن میں رات گزار کر صبح کرے تو یہ میزبانی اس میزبان پر اس کے ذمے قرض ہے، چاہے تو وہ اسے وصول کر لے اور چاہے تو چھوڑ دے۔“ [صحيح الجامع الصغير وزيادته/حرف اللام./حدیث: 5470]

(نبی کریم صلی اللہ علیہ وسلم نے فرمایا:)
”شبِ قدر رمضان کے آخری عشرے میں، پانچویں یا تیسری طاق رات میں ہے۔“ [صحيح الجامع الصغير وزيادته/حرف اللام./حدیث: 5471]

(نبی کریم صلی اللہ علیہ وسلم نے فرمایا:)
”شبِ قدر ایک روشن رات ہے، نہ گرم نہ ٹھنڈی، اور اس میں کوئی ستارہ نہیں ٹوٹتا، اور اس کے دن کی علامت یہ ہے کہ سورج بغیر کرنوں کے طلوع ہوتا ہے۔“ [صحيح الجامع الصغير وزيادته/حرف اللام./حدیث: 5472]

(نبی کریم صلی اللہ علیہ وسلم نے فرمایا:)
”شبِ قدر ستائیسویں یا انتیسویں رات ہے، اس رات فرشتے زمین پر کنکریوں کی تعداد سے بھی زیادہ ہوتے ہیں۔“ [صحيح الجامع الصغير وزيادته/حرف اللام./حدیث: 5473]

(نبی کریم صلی اللہ علیہ وسلم نے فرمایا:)
”شبِ قدر ستائیسویں رات ہے۔“ [صحيح الجامع الصغير وزيادته/حرف اللام./حدیث: 5474]

(نبی کریم صلی اللہ علیہ وسلم نے فرمایا:)
”شبِ قدر ایک نرم اور کشادہ رات ہے، نہ گرم نہ ٹھنڈی، اس کی صبح سورج طلوع ہوتے وقت کمزور اور سرخ ہوتا ہے۔“ [صحيح الجامع الصغير وزيادته/حرف اللام./حدیث: 5475]