(نبی کریم صلی اللہ علیہ وسلم نے فرمایا:)
”اللہ تعالیٰ یہود پر لعنت فرمائے، انہوں نے اپنے انبیاء کی قبروں کو مسجدیں بنا لیا۔“ [صحيح الجامع الصغير وزيادته/حرف اللام./حدیث: 5106]

(نبی کریم صلی اللہ علیہ وسلم نے فرمایا:)
”اللہ تعالیٰ یہود پر لعنت فرمائے، اللہ نے ان پر چربی حرام کی تھی تو انہوں نے اسے بیچ ڈالا اور اس کی قیمت کھا گئے، اور بے شک اللہ جب کسی قوم پر کسی چیز کا کھانا حرام کر دے تو اس کی قیمت بھی ان پر حرام کر دیتا ہے۔“ [صحيح الجامع الصغير وزيادته/حرف اللام./حدیث: 5107]

(نبی کریم صلی اللہ علیہ وسلم نے فرمایا:)
”اللہ تعالیٰ یہود و نصاریٰ پر لعنت فرمائے، انہوں نے اپنے انبیاء کی قبروں کو مسجدیں بنا لیا۔“ [صحيح الجامع الصغير وزيادته/حرف اللام./حدیث: 5108]

(نبی کریم صلی اللہ علیہ وسلم نے فرمایا:)
”اللہ تعالیٰ قبروں کی بکثرت زیارت کرنے والی عورتوں پر لعنت فرمائے۔“ [صحيح الجامع الصغير وزيادته/حرف اللام./حدیث: 5109]

(نبی کریم صلی اللہ علیہ وسلم نے فرمایا:)
”اللہ تعالیٰ اس شخص پر لعنت فرمائے جو جانور کے چہرے پر داغ لگائے۔“ [صحيح الجامع الصغير وزيادته/حرف اللام./حدیث: 5110]

(نبی کریم صلی اللہ علیہ وسلم نے فرمایا:)
”اللہ تعالیٰ اس شخص پر لعنت فرمائے جو میرے صحابہ کو گالی دے۔“ [صحيح الجامع الصغير وزيادته/حرف اللام./حدیث: 5111]

(نبی کریم صلی اللہ علیہ وسلم نے فرمایا:)
”اللہ تعالیٰ اس شخص پر لعنت فرمائے جو اپنے والدین پر لعنت کرے، اللہ تعالیٰ اس شخص پر لعنت فرمائے جو غیراللہ کے نام پر ذبح کرے، اللہ تعالیٰ اس شخص پر لعنت فرمائے جو کسی نئی بدعت ایجاد کرنے والے کو پناہ دے، اور اللہ تعالیٰ اس شخص پر لعنت فرمائے جو زمین کی حد کے نشانات بدل دے۔“ [صحيح الجامع الصغير وزيادته/حرف اللام./حدیث: 5112]

(نبی کریم صلی اللہ علیہ وسلم نے فرمایا:)
”اللہ تعالیٰ اس شخص پر لعنت فرمائے جو کسی جانور کا مثلہ کرے۔“ [صحيح الجامع الصغير وزيادته/حرف اللام./حدیث: 5113]

(نبی کریم صلی اللہ علیہ وسلم نے فرمایا:)
”رشوت دینے والے اور رشوت لینے والے پر اللہ کی لعنت ہو۔“ [صحيح الجامع الصغير وزيادته/حرف اللام./حدیث: 5114]

(نبی کریم صلی اللہ علیہ وسلم نے فرمایا:)
”اللہ کی راہ میں صبح یا شام کا ایک بار نکلنا ہر اس چیز سے بہتر ہے جس پر سورج طلوع اور غروب ہوتا ہے، اور جنت میں کمان کے برابر جگہ بھی ہر اس چیز سے بہتر ہے جس پر سورج طلوع اور غروب ہوتا ہے۔“ [صحيح الجامع الصغير وزيادته/حرف اللام./حدیث: 5115]