الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
| من كتاب الاضاحي قربانی کے بیان میں 23. باب النَّهْيِ عَنِ النُّهْبَةِ: لوٹ مار رہزنی کی ممانعت کا بیان
سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”کوئی شخص مومن رہتے ہوئے کسی ایسی بڑی چیز کی لوٹ مار نہیں کر سکتا جس کی طرف لوگوں کی نظریں اٹھی ہوئی ہوں اور وہ لوٹ مار کر رہا ہو تو وہ ایسی حالت میں مومن نہیں رہتا۔“
تخریج الحدیث: «إسناده صحيح، [مكتبه الشامله نمبر: 2037]»
اس روایت کی سند صحیح اور حدیث متفق علیہ ہے۔ دیکھئے: [بخاري 2475]، [مسلم 57]، [نسائي 5676]، [ابن ماجه 3936]، [أبويعلی 2699]، [ابن حبان 186]، [الحميدي 1163] وضاحت:
(تشریح حدیث 2032) یعنی ایسا جرم کرتے وقت وہ مومن نہیں رہتا، ایمان اس سے جدا ہو جاتا ہے، اگر ایمان رہتا تو ایسا کام کیوں کرتا۔ اس حدیث سے معلوم ہوا کہ غارت گری کرنے والا، چوری کرنے والا، اور لوٹ مار کرنے والا، اگر یہ لوگ مدعیان اسلام ہیں تو سراسر اپنے دعوے میں جھوٹے ہیں، مسلمان کی شان تو یہ ہے کہ اگر اس سے چوری، زنا کاری یا اور کوئی برا کام سرزد ہو جائے تو وہ حد درجہ پشیمان ہو کر ہمیشہ کے لئے تائب ہو جاتا ہے اور استغفار میں منہمک رہتا ہے۔ (راز)۔ قال الشيخ حسين سليم أسد الداراني: إسناده صحيح
عبدالرحمٰن بن سمرہ نے کہا: رسول اللہ صلی اللہ علیہ وسلم نے لوٹ مار سے منع فرمایا۔ امام دارمی رحمہ اللہ نے کہا: اس سے مراد غزوات میں تقسیم سے پہلے کی مال غنیمت کی لوٹ مار ہے۔
تخریج الحدیث: «إسناده جيد، [مكتبه الشامله نمبر: 2038]»
اس حدیث کی سند جید ہے اور حدیث صحیح ہے۔ دیکھئے: [بخاري 3474]، [ابن حبان 3267، 5170]، [موارد الظمآن 1270، 1680]، [أحمد 62/5]، [ابن ابي شيبه 2369]، [طحاوي مشكل الآثار 130/1]۔ ابولبید کا نام لمازہ بن زبار ہے۔ وضاحت:
(تشریح حدیث 2033) لوٹ مار کسی وقت بھی جائز نہیں، خواہ وہ مال غنیمت کی ہو یا کسی اور کے مال کی، ارشادِ ربانی ہے: « ﴿يَا أَيُّهَا الَّذِينَ آمَنُوا لَا تَأْكُلُوا أَمْوَالَكُمْ بَيْنَكُمْ بِالْبَاطِلِ ...﴾ [النساء: 29] » ”اے مومنو! تم ایک دوسرے کے مال کو باطل طریقے سے نہ کھاؤ۔ “ اس حدیث میں لوٹ مار اور رہزنی سے منع کیا گیا ہے اور یہ حرام ہے۔ قال الشيخ حسين سليم أسد الداراني: إسناده جيد
|