عبداللہ بن دینار سے روایت ہے کہ انہوں نے سنا سیدنا عبداللہ بن عمر رضی اللہ عنہما سے کسی نے پوچھا: کنز کسے کہتے ہیں؟ جواب دیا: کنز وہ مال ہے جس کی زکوٰہ نہ دی جائے۔

سیدنا ابوہریرہ رضی اللہ عنہ سے روایت ہے، کہتے تھے: جس شخص کے پاس مال ہو اور وہ اس کی زکوٰہ ادا نہ کرے، تو قیامت کے روز وہ مال ایک گنجے سانپ کی صورت بنے گا جس کی دو آنکھوں پر سیاہ داغ ہوں گے، اور ڈھونڈے گا اپنے مالک کو یہاں تک کہ پائے گا اس کو۔ پھر کہے گا اس سے: میں تیرا مال ہوں جس کی زکوٰۃ تو نے نہیں دی تھی۔