حضرت علقمہ رحمہ اللہ فرماتے ہیں کہ میں کسی شخص کو دو مرتبہ قرض دوں یہ مجھے اس بات سے زیادہ پسند ہے کہ میں کسی کو ایک مرتبہ کوئی ہدیہ دوں۔ [مصنف ابن ابي شيبه/كتاب البيوع والأقضية/حدیث: 23666]

حضرت براء بن عازب رضی اللہ عنہ سے روایت ہے کہ حضور اکرم 5 نے ارشاد فرمایا: کوئی شخص کسی کو کچھ دراہم قرض دے، یا کچھ دودھ قرض دے، یا تنگ دست کو ہدیہ دے اس کو اتنا ثواب ملے گا جیسے کہ غلام آزاد کرنا۔ [مصنف ابن ابي شيبه/كتاب البيوع والأقضية/حدیث: 23667]

حضرت عبد اللہ فرماتے ہیں کہ میں کسی کو دو مرتبہ قرضہ دوں یہ مجھے اس سے زیادہ پسند ہے کہ میں ایک مرتبہ صدقہ کروں۔ [مصنف ابن ابي شيبه/كتاب البيوع والأقضية/حدیث: 23668]

حضرت ابن مسعود رضی اللہ عنہ سے مروی ہے کہ حضور اکرم 5 نے ارشاد فرمایا: کوئی شخص کسی کو کچھ دراہم قرض دے، یا کچھ دودھ قرض دے، یا تنگ دست کو ہدیہ کر دے اس کو اتنا ثواب ملے گا جیسے کہ غلام آزاد کرنا۔ [مصنف ابن ابي شيبه/كتاب البيوع والأقضية/حدیث: 23669]

حضرت علقمہ فرماتے ہیں کہ دو مرتبہ کسی کو قرضہ دینا ایک مرتبہ عطیہ دینے کے برابر ہے۔ [مصنف ابن ابي شيبه/كتاب البيوع والأقضية/حدیث: 23670]

حضرت طاؤس رحمہ اللہ فرماتے ہیں کہ کوئی شخص کسی کو دودھ تحفہ میں پیش کرے تو اس کے لئے ہر دھار کے بدلہ میں دس نیکیاں ہوں گی۔ خواہ وہ دھار کثیر دودھ والی ہو یا کم دودھ والی۔ [مصنف ابن ابي شيبه/كتاب البيوع والأقضية/حدیث: 23671]

حضرت عطاء فرماتے ہیں کہ جو شخص دودھ یا زمین قرضہ میں دے اس کے لئے اجر ہے۔ [مصنف ابن ابي شيبه/كتاب البيوع والأقضية/حدیث: 23672]

حضرت ابوہریرہ رضی اللہ عنہ سے مروی ہے کہ نبی کریم صلی اللہ علیہ وسلم نے ارشاد فرمایا: بہترین اونٹ تیس ہیں۔ ان میں سے مضبوط اور پھرتیلے اونٹوں پر سواری کی جائے۔ اور جو ذرا خستہ حال ہوں ان کو اجرت پر دیا جائے اور جو کثرت سے دودھ دیتی ہوں ان کو کسی کو تحفہ کے طور پردے دیا جائے۔ اور جب وہ اپنے باڑے میں آئیں تو ان کا دودھ دوہا جائے۔ [مصنف ابن ابي شيبه/كتاب البيوع والأقضية/حدیث: 23673]

حضرت علقمہ بن زبرقان فرماتے ہیں کہ میں نے حضرت ابوہریرہ رضی اللہ عنہ سے دریافت کیا اونٹ کا حق کیا ہے؟ آپ نے فرمایا: کہ زیادہ دودھ والی کا دودھ تحفتاً کسی کو دیا جائے اور شریف آدمی ک و سواری کے لیے دیا جائے اور اس کو جفتی کے لئے چھوڑا جائے۔ [مصنف ابن ابي شيبه/كتاب البيوع والأقضية/حدیث: 23674]

حضرت ابن عباس رضی اللہ عنہما ارشاد فرماتے ہیں کہ میں کسی کو دو سو درہم قرض دوں یہ مجھے اس بات سے زیادہ پسند ہے کہ میں ان کو ایک مرتبہ صدقہ کروں۔ [مصنف ابن ابي شيبه/كتاب البيوع والأقضية/حدیث: 23675]