حضرت قرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: جب شام والے بگڑ جائیں تو تمہارے لیے کوئی بھلائی نہیں ہوگی۔ [مصنف ابن ابي شيبه/كتاب الفضائل/حدیث: 34639]

حضرت ابو زید رحمہ اللہ فرماتے ہیں کہ حضرت ابو ایوب انصاری رضی اللہ عنہ نے ارشاد فرمایا: ضرور بالضرور گرج، بجلی اور بارش شام کی طرف آئے گی۔ [مصنف ابن ابي شيبه/كتاب الفضائل/حدیث: 34640]

حضرت مسعود رضی اللہ عنہ فرماتے ہیں کہ حضرت قاسم بن عبد الرحمن رحمہ اللہ نے ارشاد فرمایا: کہ حضرت عبد اللہ بن مسعود رضی اللہ عنہ کے زمانہ میں فرات دریا بہت زیادہ بھر گیا، تو لوگوں نے اسے برا سمجھا۔ اس پر آپ رضی اللہ عنہ نے فرمایا: اے لوگو! اس کے بڑھنے کو بُرا مت سمجھو۔ بیشک وہ وقت قریب ہے کہ اس میں پانی کی سلفچی تلاش کی جائے گی تو وہ بھی نہیں ملے گی۔ اور یہ اس وقت ہوگا جب سارا پانی اپنی اصل کی طرف لوٹ جائے گا۔ اور اس دن پانی اور بقیہ مومنین صر ف شام میں ہوں گے۔ [مصنف ابن ابي شيبه/كتاب الفضائل/حدیث: 34641]

حضرت یحییٰ بن سعید رحمہ اللہ فرماتے ہیں کہ حضر ت سعید بن مسیب رحمہ اللہ نے اس آیت کی تفسیر یوں بیان کی: آیت { وَآوَیْنَاہُمَا إِلَی رَبْوَۃٍ ذَاتِ قَرَارٍ وَمَعِینٍ } اس میں دمشق شہر مراد ہے۔ [مصنف ابن ابي شيبه/كتاب الفضائل/حدیث: 34642]

حضرت ابوبکر غسانی رحمہ اللہ فرماتے ہیں کہ حضرت حبیب رحمہ اللہ نے ارشاد فرمایا: شہروں میں محبوب ترین شہر اللہ کے نزدیک شام ہے۔ اور شام میں محبوب ترین جگہ مقام قدس ہے، اور مقام قدس میں محبوب ترین جگہ اللہ کے نزدیک نابلس کا پہاڑ ہے۔ ضرور بالضرور لوگوں پر ایک زمانہ ایسا آئے گا کہ وہ اس کے درمیان رسی ڈال کر اس کو چھوئیں گے۔ [مصنف ابن ابي شيبه/كتاب الفضائل/حدیث: 34643]

حضرت ابو الزاھریہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: جنگوں کے دوران دمشق مسلمانوں کی پناہ گاہ ہوگا۔ اور دجال سے جنگ کی صورت میں بیت المقدس مسلمانوں کی پناہ گاہ ہوگا اور یاجوج ماجوج سے جنگ کے وقت بیت الطور مسلمانوں کی پناہ گاہ ہوگا۔ [مصنف ابن ابي شيبه/كتاب الفضائل/حدیث: 34644]

حضرت زید بن ثابت رضی اللہ عنہ فرماتے ہیں کہ اس درمیان کہ ہم رسول اللہ صلی اللہ علیہ وسلم کے ارد گرد جمع تھے اور قرآن کو جمع کر رہے تھے چمڑوں سے۔ اچانک آپ صلی اللہ علیہ وسلم نے فرمایا: شام کے لیے خوشخبری ہے۔ پوچھا گیا: اے اللہ کے رسول 5! کس وجہ سے اور کیوں؟ آپ صلی اللہ علیہ وسلم نے فرمایا: یقینا رحمت کے فرشتوں نے ان پر اپنے پَر پھیلائے ہوئے ہیں۔ [مصنف ابن ابي شيبه/كتاب الفضائل/حدیث: 34645]

حضرت حصین رضی اللہ عنہ فرماتے ہیں کہ حضرت ابو مالک رحمہ اللہ نے قرآن کی اس آیت { الأَرْضِ الَّتِی بَارَکْنَا فِیہَا } ترجمہ: وہ زمین جس کو ہم نے بابرکت بنادیا۔“ کے بارے میں فرمایا: کہ اس میں شام مراد ہے [مصنف ابن ابي شيبه/كتاب الفضائل/حدیث: 34646]