حضرت اعمش فرماتے ہیں کہ حضرت ابراہیم نخعی جب قرآن پڑ ھ رہے ہوتے اور ان کے پاس کوئی آدمی آتاتو اسے ڈھانپ دیتے اور فرماتے کہ میں نہیں چاہتا کہ وہ مجھے ہر وقت اس میں سے پڑھتا ہوادیکھے۔ [مصنف ابن ابي شيبه/كتاب الزهد/حدیث: 38134]

حضرت ابن عون فرماتے ہیں کہ حضرت ابراہیم سے کہا کہ گیا کہ انہیں مختار بن ابی عبید نے بلایا ہے، انہوں نے اپنے چہرے پر طلاء مل لیا، اور دوا پی اور اس کے پاس نہیں گئے۔ انہوں نے بھی انہیں چھوڑ دیا۔ [مصنف ابن ابي شيبه/كتاب الزهد/حدیث: 38135]

حضرت ابراہیم فرماتے ہیں کہ جو شخص علم کو اللہ کی رضا کے لئے حاصل کرے گا اللہ تعالیٰ اسے وہ چیز عطا فرمائے گا جو اس کے لئے کافی ہوجائے گی۔ [مصنف ابن ابي شيبه/كتاب الزهد/حدیث: 38136]

حضرت ابراہیم فرماتے ہیں کہ خشوع دل میں ہوتا ہے۔ [مصنف ابن ابي شيبه/كتاب الزهد/حدیث: 38137]

حضرت ابراہیم فرماتے ہیں کہ تم سے پہلے لوگ زیادہ پرانے کپڑوں والے اور زیادہ نرم دلوں والے ہوتے تھے۔ [مصنف ابن ابي شيبه/كتاب الزهد/حدیث: 38138]

حضرت ابراہیم فرماتے ہیں کہ جو شخص صبح کے وقت دس مرتبہ یہ کلمات پڑھے اللہ تعالیٰ شام تک اسے شیطان سے محفوظ رکھے گا اور جو شام کو پڑھے اللہ تعالیٰ صبح تک اسے شیطان سے محفوظ رکھے گا: میں سننے والے اور جاننے والے اللہ کی پناہ چاہتا ہوں شیطان مردود کے شر سے۔ [مصنف ابن ابي شيبه/كتاب الزهد/حدیث: 38139]

حضرت مغیرہ فرماتے ہیں کہ حضرت ابراہیم کی قمیص پاؤں کے تلوے پر ہوتی تھی۔ [مصنف ابن ابي شيبه/كتاب الزهد/حدیث: 38140]

حضرت ابراہیم قرآن مجید کی آیت { لَعَلَّہُمْ یَرْجِعُونَ } کی تفسیر میں فرماتے ہیں کہ وہ توبہ کرتے ہیں۔ [مصنف ابن ابي شيبه/كتاب الزهد/حدیث: 38141]