سیدنا ابوہریرہ رضی اللہ عنہ سے روایت ہے کہ ایک یہودی عورت نے نبی کریم صلی اللہ علیہ وسلم اور آپ کے چند صحابہ کو بھنی ہوئی بکری کے گوشت کی دعوت دی، پس جب وہ کھانے کے لیے بیٹھے تو رسول اللہ صلی اللہ علیہ وسلم نے ایک لقمہ لیا اور اسے (منہ سے نکال کر) رکھ دیا، پھر ان سے فرمایا: ”رک جاؤ، یقیناً اس بکری میں زہر ہے،“ پھر اس یہودی عورت سے فرمایا: ”تجھ پر افسوس! تو نے مجھے زہر کیوں دیا؟“ اس نے کہا: ”میں جاننا چاہتی تھی کہ اگر آپ واقعی اللہ کے نبی ہیں تو یہ آپ کو نقصان نہیں پہنچائے گا، اور اگر آپ نبی نہیں ہیں تو میں لوگوں کو آپ سے راحت دلا دوں گی،“ پس اس گوشت میں سے بشر بن براء رضی اللہ عنہ نے کھا لیا تھا جس کی وجہ سے وہ وفات پا گئے، چنانچہ رسول اللہ صلی اللہ علیہ وسلم نے اس عورت کو (قصاص میں) قتل کروا دیا۔
(ابو مرثد کناز بن حصین غنوی رضی اللہ عنہ کے مناقب کا تذکرہ) اور کہا گیا ہے کہ وہ کناز بن حصن بن یربوع ہیں، رسول اللہ صلی اللہ علیہ وسلم نے ان کے اور عبادہ بن صامت رضی اللہ عنہ کے درمیان بھائی چارہ قائم فرمایا تھا، وہ غزوہ بدر، احد اور خندق میں شریک ہوئے، اور وہ ابو مرثد بن ابی مرثد کے والد ہیں، رسول اللہ صلی اللہ علیہ وسلم نے انہیں اس سریہ کا امیر بنایا تھا جسے مقام رجیع کی طرف بھیجا گیا اور وہاں وہ شہید ہوئے۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5033]

ان تمام مذکورہ بالا واقعات کی خبر ہمیں ابوعبداللہ اصفہانی نے اپنے شیوخ کے واسطے سے دی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5034]