سیدنا عبد اللہ بن عباس رضی اللہ عنہما سے روایت ہے کہ سیدنا عمر رضی اللہ عنہ نے فرمایا: ”سیدنا علی رضی اللہ عنہ ہم میں سب سے بہتر فیصلہ کرنے والے ہیں اور سیدنا ابی بن کعب رضی اللہ عنہ ہم میں سب سے بڑے قاری ہیں، اور بلاشبہ ہم ابی کی بعض ان باتوں کو (جو وہ قرآن کے متعلق کہتے ہیں) ترک کر دیتے ہیں“، جبکہ ابی کہتے ہیں: ”میں نے اسے براہِ راست رسول اللہ صلی اللہ علیہ وسلم سے حاصل کیا ہے، لہٰذا میں اسے کبھی نہیں چھوڑوں گا“، حالانکہ اللہ عزوجل کا ارشاد ہے: ﴿مَا نَنْسَخْ مِنْ آيَةٍ أَوْ نُنْسِهَا﴾ ”ہم جس آیت کو منسوخ کر دیتے ہیں یا اسے بھلا دیتے ہیں۔“ [سورة البقرة: 106] [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 5412]