عروہ سے روایت ہے کہ: اسامہ بن زید بن حارثہ بن شراحیل بن کعب بن عبدالعزیٰ بن یزید بن امرء القیس کلبی، ان پر اللہ اور اس کے رسول صلی اللہ علیہ وسلم نے انعام فرمایا۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6672]

احمد بن یعقوب اپنے اساتذہ سے یہی نسب نقل کرتے ہیں اور اس میں یہ اضافہ کیا کہ ان کی والدہ رسول اللہ صلی اللہ علیہ وسلم کی آزاد کردہ لونڈی سیدہ امِ ایمن رضی اللہ عنہا تھیں، ان کی وفات سیدنا معاویہ رضی اللہ عنہ کے دورِ خلافت کے آخری حصے میں مدینہ منورہ میں ہوئی جبکہ ان کی عمر ساٹھ برس تھی اور ان کی کنیت ابو محمد تھی۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6673]