احنف کے چچا سیدنا صعصعہ بن قیس فرماتے ہیں: میں نبی اکرم صلی اللہ علیہ وسلم کے پاس گیا، میں نے آپ صلی اللہ علیہ وسلم کو یہ آیات پڑھتے ہوئے سنا: {فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ} [الزلزلة: 8] ” تو جو ایک ذرہ بھر بھلائی کرے اسے دیکھے گا اور جو ایک ذرہ بھر برائی کرے اسے دیکھے گا “ (، امام حمد رضا) میں نے کہا: مجھے کوئی پرواہ نہیں ہے کہ میں اس آیت کے سوا اور کوئی آیت نہ سنوں، بس مجھے یہی آیت کافی ہے، یہی کافی ہے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6716]

مصعب بن عبداللہ فرماتے ہیں: احنف بن قیس بن حصین بن نزال بن عبیدہ، مخضرم ہے۔ انہوں نے رسول اللہ صلی اللہ علیہ وسلم کا زمانہ پایا، اور رسول اللہ صلی اللہ علیہ وسلم کی زیارت کے لئے سفر بھی کیا تھا، رسول اللہ صلی اللہ علیہ وسلم نے ان کے لئے دعا بھی فرمائی تھی۔ احنف کا اصل نام ” ضحاک “ تھا اور بعض مؤرخین کا کہنا ہے کہ ان کا اصلی نام ” صخر بن قیس بن معاویہ بن حصین “ ہے۔ آپ پیدائشی احنف ہیں۔ ان کی والدہ کہا کرتی تھیں: اللہ کی قسم! اگر اس کے پاؤں میں ” حنف “ (لنگڑاہٹ) نہ ہوتا تو پورے قبیلے میں اس جیسا بچہ کوئی نہ تھا۔ آپ بہت خوبصورت نوجوان تھے۔ [المستدرك على الصحيحين/كِتَابُ مَعْرِفَةِ الصَّحَابَةِ رَضِيَ اللهُ تَعَالَى عَنْهُمْ/حدیث: 6717]