سیدنا زبیر رضی اللہ عنہ بیٹی اور بہن کے بارے میں یہ فتویٰ دیا کرتے تھے کہ سارا مال بیٹی کو دیا جائے گا، میں نے کہا: سیدنا معاذ رضی اللہ عنہ نے یمن میں ہمارے درمیان یہ فیصلہ کیا تھا کہ آدھا مال بیٹی کو اور آدھا بہن کو دیا جائے گا۔ سیدنا عبداللہ بن زیبر رضی اللہ عنہ نے فرمایا: تم میرے قاصد بن کر ولید بن عتبہ کے پاس جاؤ (وہ ان دنوں کوفہ کے قاضی تھے) ان کو کہنا کہ معاذ کے فتوے پر عمل کرے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفَرَائِضِ/حدیث: 8171]

سیدنا عبداللہ بن عباس رضی اللہ عنہما فرماتے ہیں کہ نبی اکرم صلی اللہ علیہ وسلم نے مجھے ارشاد فرمایا: اولاً مال اصحاب فرائض میں تقسیم کرو، جو ان سے باقی بچے وہ اس مرد کو دو جو میت کا سب سے زیادہ قریبی رشتہ دار ہو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ علی بن عاصم صدوق ہیں، اور اس کو سفیان ثوری نے، سفیان بن عیینہ نے، ابن جریج نے اور معمر بن راشد نے عبداللہ بن طاؤس سے روایت کیا ہے اور اس میں ارسال کیا ہے۔ سفیان ثوری کی روایت کردہ حدیث کی اسناد درج ذیل ہے: [المستدرك على الصحيحين/كِتَابُ الْفَرَائِضِ/حدیث: 8172]

ابن عیینہ کی روایت کردہ حدیث کی اسناد درج ذیل ہے: [المستدرك على الصحيحين/كِتَابُ الْفَرَائِضِ/حدیث: 8173]

ابن جریج کی روایت کردہ حدیث کی اسناد درج ذیل ہے: [المستدرك على الصحيحين/كِتَابُ الْفَرَائِضِ/حدیث: 8174]

معمر کی روایت کردہ حدیث کی اسناد درج ذیل ہے [المستدرك على الصحيحين/كِتَابُ الْفَرَائِضِ/حدیث: 8175]