سیدنا ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: جس نے قوم لوط والا عمل کیا، فاعل اور مفعول دونوں کو رجم کر دو۔ [المستدرك على الصحيحين/كِتَابُ الْحُدُودِ/حدیث: 8246]

سیدنا عبداللہ بن عباس رضی اللہ عنہما فرماتے کہ نبی اکرم صلی اللہ علیہ وسلم نے ارشاد فرمایا: جس کو قوم لوط کے عمل میں مبتلا پاؤ، تو فاعل اور مفعول دونوں کو قتل کر دو۔ اور جس کو کسی جانور کے ساتھ بدفعلی کرتے پاؤ تو اس آدمی کو بھی قتل کر دو اور اس جانور کو بھی قتل کر دو۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ اور بہیمہ کے ذکر کے سلسلے میں اس کی ایک شاہد حدیث بھی موجود ہے۔ (جو کہ درج ذیل ہے) [المستدرك على الصحيحين/كِتَابُ الْحُدُودِ/حدیث: 8247]

سیدنا عبداللہ بن عباس رضی اللہ عنہما فرماتے ہیں: جانور کے ساتھ بدفعلی کرنے والے کے بارے میں نبی اکرم صلی اللہ علیہ وسلم نے فرمایا: فاعل اور مفعول دونوں کو قتل کر دو۔ [المستدرك على الصحيحين/كِتَابُ الْحُدُودِ/حدیث: 8248]