سیدنا عبداللہ بن عباس رضی اللہ عنہما فرماتے ہیں: جس نے جانور کے ساتھ بدفعلی کی اس کے لیے کوئی حد نہیں ہے (بلکہ اس کی سزا تعزیری ہے۔) [المستدرك على الصحيحين/كِتَابُ الْحُدُودِ/حدیث: 8249]

سیدنا عبداللہ بن عباس رضی اللہ عنہ فرماتے ہیں کہ رسول اللہ صلی اللہ علیہ وسلم نے اس شخص پر لعنت فرمائی ہے جس نے جانور ذبح کرتے وقت غیراللہ کا نام پکارا، اور اللہ تعالیٰ نے اس شخص پر لعنت کی ہے جو زمین کی سرحدوں کو بدلتا ہے، اللہ تعالیٰ نے اس شخص پر لعنت کی ہے جو نابینا کو راستے سے بھٹکا دیتا ہے۔ اللہ تعالیٰ نے اس شخص پر لعنت کہ ہے جو اپنے ماں باپ کو گالی دیتا ہے، اور اللہ تعالیٰ کی اس شخص پر لعنت ہے جو اپنے آقا کے علاوہ کسی کو آقا بناتا ہے، اللہ تعالیٰ کی لعنت ہے اس شخص پر جو قوم لوط جیسا عمل کرتا ہے۔ [المستدرك على الصحيحين/كِتَابُ الْحُدُودِ/حدیث: 8250]

ایک دوسری سند کے ہمراہ سیدنا عبداللہ بن عباس رضی اللہ عنہما کا فرمان منقول ہے کہ نبی اکرم صلی اللہ علیہ وسلم نے ارشاد فرمایا: اللہ تعالیٰ کی لعنت ہے اس شخص پر جو کسی جانور کے ساتھ بدفعلی کرتا ہے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْحُدُودِ/حدیث: 8251]