سیدنا عامر بن انس رضی اللہ عنہ مرفوعاً بیان کرتے ہیں کہ دم نظر بد کا ہوتا ہے، یا بخار کا، یا ایسے خون کا جو تھمتا نہ ہو۔ ٭٭ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن شیخین نے اس کو نقل نہیں کیا۔ [المستدرك على الصحيحين/كِتَابُ الرُّقَى وَالتَّمَائِمِ/حدیث: 8476]

سیدنا انس بن مالک رضی اللہ عنہ فرماتے ہیں کہ رسول اللہ صلی اللہ علیہ وسلم کو یا آپ کے گھر والوں میں سے کسی کی آنکھ آتی تو آپ ان لفظوں کے ساتھ دعا مانگتے، اللَّهُمَّ مَتِّعْنِي بِبَصَرِي، وَاجْعَلْهُ الْوَارِثَ مِنِّي، وَأَرِنِي فِي الْعَدُوِّ ثَأْرِي، وَانْصُرْنِي عَلَى مَنْ ظَلَمَنِي ” اے اللہ مجھے میری بصارت کا نفع دے، اور اس کو میرا وارث بنا، اور میرے دشمن میں میرا انتقام دکھا، اور جو مجھ پر ظلم کرے، اس کے خلاف میری مدد فرما “ [المستدرك على الصحيحين/كِتَابُ الرُّقَى وَالتَّمَائِمِ/حدیث: 8477]