سیدنا مقداد بن اسود الکندی فرماتے ہیں کہ رسول اللہ صلی اللہ علیہ وسلم نے ارشاد فرمایا: روئے زمین پر کوئی کچا اور کوئی پکا مکان ایسا نہیں بچے گا، جس میں اللہ تعالیٰ اسلام کو داخل نہیں کر دے گا، عزت والے کو عزت کے ساتھ اسلام ملے گا اور ذلیل کو ذلت کے ساتھ۔ اللہ تعالیٰ ان سب کو عزت دے گا، اور ان کو عزت والا بنا دے گا، یا ان کو ذلیل کرے گا، تو وہ اس دین کو نہیں اپنائیں گے۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8529]

سیدنا عوف بن مالک رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا: میری امت عنقریب ستر سے کچھ زائد فرقوں میں بٹ جائے گی، ان میں سب سے گمراہ تر فرقہ وہ ہو گا جو کہ بہت سارے امور کو اپنی رائے پر قیاس کریں گے، حلال کو حرام اور حرام کو حلال قرار دیں گے۔ (حالانکہ قرآن حدیث میں ان کو حرام قرار نہیں دیا گیا ہو گا) ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8530]

سیدنا تمیم الداری فرماتے ہیں کہ رسول اللہ صلی اللہ علیہ وسلم نے ارشاد فرمایا: یہ دین کا معاملہ رات اور دن کے مقام تک جا پہنچے گا، اور اللہ تعالیٰ ہر کچے اور پکے مکان میں اسلام داخل فرمائے گا، عزت والے کی عزت کے ساتھ اور ذلیل کی ذلت کے ساتھ، اس كو اللہ تعالیٰ كی عزت کے ساتھ اسلام میں عزت ملے گی، اور كفر میں اس كو ذلت ملے گی۔ اور تمیم الداری رضی اللہ عنہ فرمایا كرتے تھے: میں نے اس بات كو اپنے گھر والوں میں پہچانا ہے، میرے گھر والوں میں سے جو مسلمان ہو گیا، اس كو بھلائی ملی، اس كو مرتبہ ملا، اس كو عزت بھی ملی، اور جو کافر ہوا، وہ ذلیل ہوا، رسوا ہوا، اور ٹیكس ادا كرنے والا بنا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے، لیکن شیخین رحمۃ اللہ علیہما نے اس كو نقل نہیں كیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8531]

سیدنا عبداللہ بن مسعود رضی اللہ عنہ فرماتے ہیں: تم ایسے زمانے میں ہو كہ اس میں حق بات كرنے والا خاموش رہنے والے سے بہتر ہے، اور اس زمانے میں كھڑا ہوا، بیٹھے ہوئے سے بہتر ہے، اور تمہارے بعد ایک زمانہ آئے گا، جس میں خاموش رہنے والا، بولنے والے سے بہتر ہو گا اور بیٹھا ہوا، كھڑے ہوئے سے بہتر ہو گا۔ (طارق بن شہاب) كہتے ہیں: ایک آدمی اٹھ كر كھڑا ہوا اور كہنے لگا: اے ابوعبدالرحمن! آپ كیا دیكھتے ہیں؟ آج کے دن لوگ جس پر عمل پیرا ہیں، كیا یہ لوگ ہدایت پر ہیں یا بعد میں آنے والے لوگ گمراہ ہوں گے؟ آپ نے فرمایا: تم نے جو كچھ كیا ہے، اس حوالے سے دو آدمیوں سے عبرت حاصل كرو، جو ایک قوم کے پاس سے گزرے، وہ لوگ گناہوں میں مبتلا تھے، ان گناہوں كو ناپسند دونوں نے ہی كیا لیکن ان میں سے ایک نے خاموشی اختیار كی اور دوسرا اس برائی کے خلاف بول پڑا، وہ لوگ اس بولنے والے كو پكڑ كر اپنے بادشاہ کے پاس لے گئے، انہون نے اس آدمی كو اس وقت تک قید ركھا، حتی كہ وہ بھی ان كی طرح کے عمل میں مبتلا ہو گیا۔ ٭٭ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے، لیکن شیخین رحمۃ اللہ علیہما نے اس كو نقل نہیں كیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8532]

ام المومنین سیدہ ام سلمہ رضی اللہ عنہا فرماتی ہیں کہ رسول اللہ صلی اللہ علیہ وسلم نے ارشاد فرمایا: رکن اور مقام ابراہیم کے درمیان میرے ایک امتی کی بیعت کی جائے گی اور بیعت کرنے والوں کی تعداد بدری صحابہ کرام کے برابر ہو گی، اس کے پاس عراق کے چیدہ چیدہ لوگ اور شام کے ابدال آئیں گے، اور ان کے پاس شام کا ایک لشکر آئے گا، جب یہ لشکر مکہ کی ہموار زمین میں ہو گا تو ان کو زمین میں دھنسا دیا جائے گا، پھر ایک قریشی آدمی ان کی جانب آئے گا، اس کے ننھیال قبیلہ کلب سے ہوں گے، اللہ اس کے ہاتھ پر ان کو شکست دے گا۔ اور کہا جائے گا۔ اس موقع پر وہ شخص خسارہ اٹھانے والا ہو گا جو قبیلہ کلب کے مال غنیمت سے محروم رہا ہو گا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8533]