سیدنا خارجہ بن صلت برجمی بیان کرتے ہیں: ایک دن میں سیدنا عبداللہ کے ہمراہ مسجد میں داخل ہوا، اس وقت جماعت رکوع میں جا چکی تھی، ایک آدمی ان کے پاس سے گزرا، اس نے سلام کیا، عبداللہ رضی اللہ عنہ نے اس کے سلام کا یوں جواب دیا ” اللہ اور اس کے رسول نے سچ کہا ہے، اللہ اور اس کے رسول نے سچ کہا ہے “ بعد میں، میں نے ان سے پوچھا تو آپ نے فرمایا: قیامت سے پہلے مسجدوں کو راستہ بنا لیا جائے گا، اور لوگ صرف جان پہچان والوں کو سلام کریں گے، میاں بیوی دونوں تجارت کریں گے، عورتیں اور گھوڑے مہنگے ہو جائیں گے۔ پھر اتنے سستے ہو جائیں گے کہ قیامت تک مہنگے نہیں ہوں گے۔ ٭٭ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ بشیر بن سلیمان نے اپنی روایت میں ان کلمات کو مسند کیا ہے۔ اس طرح یہ حدیث شعبہ کی روایت سے صحیح قرار پاتی ہے۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8584]