سیدنا عطاء بن ابی رباح فرماتے ہیں: میں سیدنا عبداللہ بن عمر رضی اللہ عنہما کی خدمت میں تھا، آپ کے پاس ایک نوجوان آیا، اس نے عمامے کا شملہ لٹکانے کے بارے میں مسئلہ پوچھا، سیدنا عبداللہ بن عمر رضی اللہ عنہما نے فرمایا: میں تجھے اس کا علمی جواب دوں گا، آپ فرماتے ہیں: میں مسجد نبوی میں دسواں آدمی تھا، مزید سیدنا ابوبکر، سیدنا عمر، سیدنا عثمان، سیدنا علی، سیدنا عبداللہ بن مسعود، سیدنا حذیفہ، سیدنا ابن عوف اور سیدنا ابوسعید خدری رضی اللہ عنہم تھے۔ ایک انصاری نوجوان آیا، رسول اللہ صلی اللہ علیہ وسلم کو سلام کیا اور بیٹھ گیا، پھر پوچھا: یا رسول اللہ صلی اللہ علیہ وسلم مومنین میں سب سے افضل کون ہے؟ آپ صلی اللہ علیہ وسلم نے فرمایا: جس کے اخلاق سب سے اچھے ہیں۔ اس نے پوچھا: سب سے عقلمند کون ہے؟ آپ صلی اللہ علیہ وسلم نے فرمایا: جو موت کو زیادہ یاد رکھتا ہے، اور موت آنے سے پہلے اس کی اچھی طرح تیاری کر کے رکھتا ہے، یہ شخص سمجھداروں میں سے ہے۔ اس کے بعد وہ نوجوان خاموش ہو گیا۔ پھر نبی اکرم صلی اللہ علیہ وسلم اس کی جانب متوجہ ہوئے اور فرمایا: اے مہاجرو! پانچ چیزیں ایسی ہیں کہ اگر تم اس میں مبتلا ہو جاؤ اور وہ چیزیں تم میں نازل ہوں، میں اللہ کی پناہ مانگتا ہوں کہ تم ان پانچ چیزوں کو پاؤ * جب کسی قوم میں زنا عام ہو جائے گا تو ان میں طاعون پھیل جائے گا اور ایسی ایسی بیماریاں پیدا ہوں گی کہ تم سے پہلے لوگوں میں ان کا نام نشان تک نہ تھا۔ * جب لوگ ناپ تول میں کمی کریں گے تو ان کو قحط اور مشقت میں مبتلا کر دیا جائے گا، اور ظالم بادشاہ ان پر مسلط کر دیئے جائیں گے۔ * جب لوگ زکوۃ دینا چھوڑ دیں گے، ان کی بارشیں روک لی جائیں گی، اگر روئے زمین پر جانور نہ ہوں تو ان کو بارش کا ایک قطرہ تک نہ ملے۔ * جب لوگ اللہ اور اس کے رسول کا عہد توڑیں گے تو ان پر ان کی اغیار اقوام میں سے ان کا دشمن ان پر مسلط کر دیا جائے گا، اور وہ ان کے ہاتھوں کی اشیاء بھی غصب کر لیں گے۔ * جب ان کے ائمہ کتاب اللہ کے مطابق فیصلہ نہیں کریں گے تو اللہ تعالیٰ ان پر اپنا عذاب ڈال دے گا۔ پھر آپ صلی اللہ علیہ وسلم نے سیدنا عبدالرحمن بن عوف رضی اللہ عنہ کو حکم دیا کہ وہ جہاد کی تیاری کریں، ان کو اس جنگی مہم کا سپہ سالار بنایا، اگلے دن صبح سیدنا عبدالرحمن بن عوف رضی اللہ عنہ سیاہ رنگ کا عمامہ پہن کر تیار ہو گئے، نبی اکرم صلی اللہ علیہ وسلم نے ان کو اپنے قریب بلایا، ان کا کالا عمامہ اتارا اور ان کے سر پر سفید عمامہ باندھ دیا، اور پچھلی جانب چار انگلیوں کے برابر یا اس کے قریب قریب مقدار میں شملہ لٹکایا۔ پھر فرمایا: اے ابن عوف اس طرح عمامہ باندھتے ہیں، کیونکہ یہ اچھا لگتا ہے۔ پھر نبی اکرم صلی اللہ علیہ وسلم نے سیدنا بلال رضی اللہ عنہ کو حکم دیا کہ ان کو جھنڈا دیں، انہوں نے اللہ تعالیٰ کی حمد و ثناء کی اور نبی اکرم صلی اللہ علیہ وسلم پر درود شریف پڑھا، پھر فرمایا: اے ابن عوف یہ پکڑو اور سب لوگ اللہ کی راہ میں جہاد کرو، اللہ کے منکروں کے ساتھ جہاد کرو کسی کے ساتھ زیادتی نہ کرنا، اپنے سپہ سالار کے ساتھ غداری نہ کرنا، لاشوں کا مثلہ نہ کرنا، بچوں کو قتل نہ کرنا، یہ اللہ تعالیٰ کا عہد ہے اور اس کے نبی صلی اللہ علیہ وسلم کی سیرت ہے۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8837]

0 [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8838]

0 [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8838N]

یونس نے زہری کے واسطے سے طلحہ بن عبداللہ بن عوف کے حوالے سے عیاض بن مسافع سے روایت کیا ہے کہ زیاد کے ماں شریک بھائی سیدنا ابوبکرہ بیان کرتے ہیں کہ لوگ مسیلمہ کذاب کے بارے میں رسول اللہ کے کچھ کہنے سے پہلے ہی اپنے اپنے خیالات کا اظہار کرنے لگ گئے، پھر رسول اللہ کھڑے ہوئے، اللہ تعالیٰ کی حمد و ثناء کرنے کے بعد فرمایا: تم اس آدمی کے بارے میں بہت زیادہ اظہار خیال کرنے لگ گئے ہو، وہ تیسں کذابوں میں سے ایک کذاب ہے جو دجال سے پہلے ہوں گے، ہر شہر میں مسیح دجال کا رعب داخل ہو جائے گا سوائے مدینہ منورہ کے۔ اس دن مدینہ کی ہر گزرگاہ پر دو فرشتے ہوں گے، وہ دجال کو مدینے میں داخل ہونے سے روک رہے ہوں گے۔ عقيل بن خالد كی روایت كردہ حدیث۔ [المستدرك على الصحيحين/كِتَابُ الْفِتَنِ وَالْمَلَاحِمِ/حدیث: 8839]