ایک اور سند سے یو نہی منقول ہے۔ [مصنف ابن ابي شيبه/كتاب الطهارة/حدیث: 991]

ایک اور سند سے یو نہی منقول ہے۔ [مصنف ابن ابي شيبه/كتاب الطهارة/حدیث: 992]

حضرت علی رضی اللہ عنہ فرماتے ہیں کہ میری بہت مذی نکلتی تھی جس کی وجہ سے میں بار بار غسل کرتا تھا۔ حضور کو یہ بات پہنچی تو آپ نے مجھے وضو کا حکم دیا۔ [مصنف ابن ابي شيبه/كتاب الطهارة/حدیث: 993]

حضرت عطاء فرماتے ہیں کہ اگر عورت کے جسم پر خاوند کا پانی لگے تو وہ اسے دھو لے اور غسل نہ کرے، البتہ اگر پانی شرم گاہ میں داخل ہو تو غسل کرے۔ [مصنف ابن ابي شيبه/كتاب الطهارة/حدیث: 994]

حضرت ابراہیم فرماتے ہیں کہ اگر آدمی اپنی بیوی سے شرم گاہ کے علاوہ کسی اور جگہ مجامعت کرے تو مرد غسل کرے اور عورت کو اگر انزال نہ ہو تو صرف شرم گاہ دھولے۔ [مصنف ابن ابي شيبه/كتاب الطهارة/حدیث: 995]

حضرت مکحول فرماتے ہیں کہ اگر آدمی کو اس کی بیوی کے پہلو میں لیٹے ہوئے انزال ہوجائے اور اس کی منی عورت کو لگ جائے تو عورت پر غسل واجب نہیں البتہ جس جگہ منی لگی ہے وہ جگہ دھو لے لیکن اگر اس کی شرم گاہ کو لگ گئی تو غسل واجب ہوگا۔ [مصنف ابن ابي شيبه/كتاب الطهارة/حدیث: 996]

حضرت فراس کہتے ہیں کہ میں نے ایک چھوٹی باندی خریدی، میں اس سے دخول کیے بغیر صحبت کرتا تھا، اس بارے میں میں نے حضرت شعبی سے سوال کیا تو انہوں نے فرمایا کہ تم غسل کرو اس کے لیے وضو کافی ہے۔ [مصنف ابن ابي شيبه/كتاب الطهارة/حدیث: 997]

حضرت حسن سے اس مرد کے بارے میں سوال کیا گیا جو اپنی عورت سے شرم گاہ کے علاوہ کسی اور جگہ صحبت کرے تو فرمایا کہ اگر اس عورت کو انزال ہو تو وہ غسل کرے اور اگر اسے انزال نہ ہو تو وضو کرے اور جس جگہ آدمی کا پانی لگا ہو اسے دھو لے۔ [مصنف ابن ابي شيبه/كتاب الطهارة/حدیث: 998]

حضرت علی رضی اللہ عنہ فرماتے ہیں کہ وہ اپنی شرم گاہ کو صاف کرے اور وضو کرے۔ اگر گاڑھا خون ہو تو غسل کرے اور کپڑا رکھ لے کیوں کہ شیطان کی طرف سے ایک رخنہ ہے۔ جب وہ ایک یا دو مرتبہ ایسا کرے گی وہ دور ہوجائے گا۔ [مصنف ابن ابي شيبه/كتاب الطهارة/حدیث: 999]

حضرت علی رضی اللہ عنہ فرماتے ہیں کہ عورت اگر حیض سے پاک ہونے کے بعد گوشت کے دھوون جیسی چیز یا نکسیر کے قطرے یا اس سے کم یا اس سے زیادہ کوئی چیز دیکھے تو اسے پانی سے صاف کر کے وضو کرے اور نماز پڑھے۔ غسل نہ کرے البتہ اگر تازہ خون دیکھے تو غسل بھی کرے۔ یہ شیطان کی طرف سے رحم میں ایک طرح کا رخنہ ہے۔ [مصنف ابن ابي شيبه/كتاب الطهارة/حدیث: 1000]