حضرت حماد فرماتے ہیں کہ ہر وہ چیز جس پر تم اپنا ہاتھ مارو وہ تمہارے لیے ”صعید“ ہے حتیٰ کہ تمہارے جانور کی زین پر پڑا ہوا غبار بھی۔ [مصنف ابن ابي شيبه/كتاب الطهارة/حدیث: 1721]

حضرت عامر فرماتے ہیں کہ گھاس اور پہاڑ کے پتھر یا مٹی سے تیمم کیا جاسکتا ہے۔ [مصنف ابن ابي شيبه/كتاب الطهارة/حدیث: 1722]

حضرت ابو عثمان نہدی فرماتے ہیں کہ مجھے یہ بات پہنچی ہے کہ رسول اللہ صلی اللہ علیہ وآلہ وسلم نے ارشاد فرمایا کہ اپنے ہاتھوں کو زمین پر مل لو یہ تمہارے ساتھ مہربان ہے۔ [مصنف ابن ابي شيبه/كتاب الطهارة/حدیث: 1723]

حضرت عیسیٰ بن ازداد اپنے والد سے روایت کرتے ہیں کہ حضور صلی اللہ علیہ وآلہ وسلم نے ارشاد فرمایا کہ جب تم میں سے کوئی پیشاب کرے تو اپنی شرم گاہ کو تین مرتبہ جھاڑ لے۔ [مصنف ابن ابي شيبه/كتاب الطهارة/حدیث: 1724]

حضرت ابو الشعثاء فرماتے ہیں کہ جب تم پیشاب کر چکو تو اپنے آلۂ تناسل کو نیچے سے ہاتھ لگاؤ، اس سے پیشاب کے قطرات بند ہوجائیں گے۔ [مصنف ابن ابي شيبه/كتاب الطهارة/حدیث: 1725]

حضرت عیسیٰ بن ازداد اپنے والد سے روایت کرتے ہیں کہ حضور صلی اللہ علیہ وآلہ وسلم نے ارشاد فرمایا کہ جب تم میں سے کوئی پیشاب کرے تو اپنی شرم گاہ کو تین مرتبہ جھاڑ لے۔ زمعہ فرماتے ہیں کہ اتنا کافی ہے۔ [مصنف ابن ابي شيبه/كتاب الطهارة/حدیث: 1726]

حضرت علی رضی اللہ عنہ فرماتے ہیں کہ اگر چوہا پانی میں گرجائے تو اتنا پانی نکالا جائے کہ پانی لوگوں پر غالب آجائے۔ [مصنف ابن ابي شيبه/كتاب الطهارة/حدیث: 1727]

حضرت حسن فرماتے ہیں کہ اگر چوہا پانی میں گرجائے تو چالیس ڈول پانی نکالا جائے۔ [مصنف ابن ابي شيبه/كتاب الطهارة/حدیث: 1728]

ابراہیم فرماتے ہیں کہ اگر پانی میں چوہا یا بلی گرجائے تو چالیس ڈول پانی نکالا جائے۔ حضرت مغیرہ فرماتے ہیں کہ اتنا پانی نکالا جائے کہ پانی بدل جائے۔ [مصنف ابن ابي شيبه/كتاب الطهارة/حدیث: 1729]

حضرت عطاء فرماتے ہیں کہ اگر پانی میں جرذ گرجائے تو بیس ڈول پانی نکالا جائے اگر وہ پھول جائے تو چالیس ڈول نکالے جائیں۔ اگر بکری گرجائے تو چالیس ڈول نکالے جائیں اور اگر وہ پھول جائے تو سارا پانی یا سو ڈول نکالے جائیں۔ [مصنف ابن ابي شيبه/كتاب الطهارة/حدیث: 1730]