حضرت طاوس فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4283]

حضرت زید بن ثابت فرماتے ہیں کہ میں نے نبی پاک حضور صلی اللہ علیہ وآلہ وسلم کے سامنے سورة النجم کی تلاوت کی، آپ نے سجدہ نہیں فرمایا۔ [مصنف ابن ابي شيبه/باب سجود التلاوة/حدیث: 4284]

حضرت عطاء بن یسار کہتے ہیں کہ میں نے حضرت ابی بن کعب سے سوال کیا کہ کیا مفصل میں سجدے ہیں؟ انہوں نے فرمایا نہیں۔ [مصنف ابن ابي شيبه/باب سجود التلاوة/حدیث: 4285]

حضرت مجاہد فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4286]

حضرت ابی بن کعب فرماتے ہیں کہ مفصّل میں سجودِ تلاوت نہیں ہیں۔ [مصنف ابن ابي شيبه/باب سجود التلاوة/حدیث: 4287]

حضرت ابوہریرہ فرماتے ہیں کہ ہم نے رسول اللہ حضور صلی اللہ علیہ وآلہ وسلم کے ساتھ سورة الانشقاق اور سورة العلق میں سجدہ کیا ہے۔ [مصنف ابن ابي شيبه/باب سجود التلاوة/حدیث: 4288]

حضرت ابوہریرہ فرماتے ہیں کہ رسول اللہ حضور صلی اللہ علیہ وآلہ وسلم نے سورة الانشقاق میں سجدہ فرمایا۔ [مصنف ابن ابي شيبه/باب سجود التلاوة/حدیث: 4289]

حضرت ابو رافع کہتے ہیں کہ میں نے حضرت ابوہریرہ کے ساتھ مدینہ میں عشاء کی نماز پڑھی۔ انہوں نے اس میں سورة الانشقاق کی تلاوت کی اور اس میں سجدہ کیا۔ میں نے ان سے سوال کیا کہ آپ اس سورت میں سجدہ کیوں کرتے ہیں؟ انہوں نے فرمایا کہ میں نے اپنے خلیل ابو القاسم حضور صلی اللہ علیہ وآلہ وسلم کو ایسا کرتے دیکھا تھا اس کے بعد سے میں بھی یونہی کرتا ہوں۔ [مصنف ابن ابي شيبه/باب سجود التلاوة/حدیث: 4290]

حضرت عبدا للہ فرماتے ہیں کہ رسول اللہ حضور صلی اللہ علیہ وآلہ وسلم نے سورة النجم میں سجدہ کیا تو سب لوگوں نے سجدہ کیا۔ البتہ ایک بوڑھے نے مٹی کی ایک مٹھی لے کر اسے اپنی پیشانی تک بلند کرلیا۔ حضرت عبد اللہ فرماتے ہیں کہ میں نے دیکھا کہ وہ کفر کی حالت میں قتل کیا گیا۔ [مصنف ابن ابي شيبه/باب سجود التلاوة/حدیث: 4291]

حضرت ابو رافع صائغ کہتے ہیں کہ حضرت عمر نے ہمیں عشاء کی نماز پڑھائی۔ انہوں نے پہلی دو رکعتوں میں سے ایک رکعت میں سورة الانشقاق کی تلاوت کی اور اس میں انہوں نے سجدہ کیا۔ ہم نے بھی ان کے ساتھ سجدہ کیا۔ [مصنف ابن ابي شيبه/باب سجود التلاوة/حدیث: 4292]