حسن فرماتے ہیں کہ میں خلفائے راشدین میں سے کسی کو بھی نہیں جانتا کہ وہ زیورات پر زکوٰۃ کا قائل ہو۔ [مصنف ابن ابي شيبه/كتاب الزكاة/حدیث: 10464]

حضرت حسن فرماتے ہیں کہ زیورات پر زکوٰۃ نہیں ہے ان کو عاریۃ دیا جائیگا اور خود بھی پہنا جائے گا۔ [مصنف ابن ابي شيبه/كتاب الزكاة/حدیث: 10465]

حضرت حسن اور حضرت خلاس فرماتے ہیں کہ زیورات پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10466]

حضرت امام شعبی فرماتے ہیں کہ زیورات کی زکوٰۃ اس کو عاریت پر دینا ہے۔ [مصنف ابن ابي شيبه/كتاب الزكاة/حدیث: 10467]

حضرت اسماعیل بن عبد الملک فرماتے ہیں کہ میں نے حضرت ابو جعفر سے سنا وہ فرماتے ہیں کہ زیورات پر زکوٰۃ نہیں ہے، اور پھر یہ آیت تلاوت فرمائی: { وَّ تَسْتَخْرِجُوْنَ مِنْہُ حِلْیَۃً تَلْبَسُوْنَھَا }۔ [مصنف ابن ابي شيبه/كتاب الزكاة/حدیث: 10468]

حضرت جعفر اپنے والد سے روایت کرتے ہیں کہ زیورات پر زکوٰۃ نہیں ہے۔ [مصنف ابن ابي شيبه/كتاب الزكاة/حدیث: 10469]

حضرت سعید بن المسیب فرماتے ہیں کہ زیورات کی زکوٰۃ ان کا عاریت پر دینا اور خود پہننا ہے۔ [مصنف ابن ابي شيبه/كتاب الزكاة/حدیث: 10470]

حضرت عمرہ فرماتی ہیں کہ ہم یتیم تھے اور حضرت عائشہ رضی اللہ عنہا کی پرورش میں تھی اور ہمارا زیور آپ کے پاس تھا۔ آپ اس میں سے زکوٰۃ نہ نکالا کرتی تھیں۔ [مصنف ابن ابي شيبه/كتاب الزكاة/حدیث: 10471]

حضرت سہیل سے مروی ہے کہ ان کے والد نے حضرت سعد، حضرت ابن عمر رضی اللہ عنہما حضرت ابو ہریرہ رضی اللہ عنہ اور حضرت ابو سعید سے سوال کیا کہ میرے پاس مال ہے اور میں اس کی زکوٰۃ ادا کرنا چاہتا ہوں لیکن میں کوئی جگہ نہیں پا رہا جہاں زکوٰۃ ادا کروں، اور یہ سب لوگ اس میں جو کام کرتے ہیں وہ تو آپ جانتے ہیں۔ آپ حضرات کی کیا رائے ہے؟ سب حضرات نے مجھے حکم دیا کہ میں ان کو ادا کروں۔ [مصنف ابن ابي شيبه/كتاب الزكاة/حدیث: 10472]

حضرت نافع فرماتے ہیں کہ حضرت عبد اللہ بن عمر رضی اللہ عنہما فرماتے ہیں کہ اپنے اموال کی زکوٰۃ ادا کرو جن کو اللہ تعالیٰ نے تمہارے معاملات کا ولی (بادشاہ) بنایا ہے، پس جو شخص نیکی کرے گا اس کا ثواب اسی کیلئے ہے اور جو گناہ کا کام کرے گا اس کا وبال اسی پر ہے۔ [مصنف ابن ابي شيبه/كتاب الزكاة/حدیث: 10473]