حضرت ابن سیرین سے مروی ہے کہ حضرت (عمرو) بن العاص رضی اللہ عنہ فرماتے تھے کہ جب تو سائل کی طرف کوئی چیز (ٹکڑا) لے کر نکلے اور اس کو نہ پائے تو اس چیز کو روکے رکھ یہاں تک کہ اس کے علاوہ کوئی اور آجائے۔ [مصنف ابن ابي شيبه/كتاب الزكاة/حدیث: 10574]

حضرت ابن سیرین سے مروی ہے کہ حضرت عمرو بن عاص نے فرمایا کہ اس کو اپنے پاس رکھ لے یہاں تک کہ اس کے علاوہ کوئی اور سائل آجائے۔ [مصنف ابن ابي شيبه/كتاب الزكاة/حدیث: 10575]

ابراہیم اور حضرت بکر فرماتے ہیں کہ اس کو اپنے پاس روکے رکھے یہاں تک کہ کسی اور کو عطا کر دے۔ [مصنف ابن ابي شيبه/كتاب الزكاة/حدیث: 10576]

حضرت حمید، حضرت بکر سے روایت کرتے ہیں کہ اس کو اپنے پاس روکے رکھے یہاں تک کہ کسی اور کو عطا کر دے۔ [مصنف ابن ابي شيبه/كتاب الزكاة/حدیث: 10577]

حضرت حسن فرماتے ہیں کہ ان کے ساتھ جو کرنا چاہے کرے۔ [مصنف ابن ابي شيبه/كتاب الزكاة/حدیث: 10578]

حضرت ابو جعفر، حضرت عامر اور حضرت عطاء فرماتے ہیں کہ اگر چاہے تو ان کو خرچ کرلے اور اگر چاہے تو اپنے پاس روکے رکھے۔ [مصنف ابن ابي شيبه/كتاب الزكاة/حدیث: 10579]

حضرت انس اور حسن فرماتے ہیں کہ: جو کچھ پلوں پر آپ سے وصول کیا گیا وہ (آپ کی طرف سے) ادا شدہ زکوٰۃ شمار ہوگی۔ [مصنف ابن ابي شيبه/كتاب الزكاة/حدیث: 10580]

حضرت ابراہیم ارشاد فرماتے ہیں کہ جو عشر وصول کرنے والے آپ سے لیں اسکو بھی اپنے مال کی زکوٰۃ میں شمار کر۔ [مصنف ابن ابي شيبه/كتاب الزكاة/حدیث: 10581]

حضرت زبرقان سے مروی ہے وہ فرماتے ہیں کہ میں نے حضرت ابو رزین سے دریافت فرمایا کہ جو تاجروں سے عشر وصول کیا جاتا ہے (اس کا کیا حکم ہے؟) آپ نے ارشاد فرمایا کہ اسکو زکوٰۃ میں شمار کیا جائے گا۔ [مصنف ابن ابي شيبه/كتاب الزكاة/حدیث: 10582]

حضرت ابراہیم اور حضرت حسن ارشاد فرماتے ہیں کہ جو مال عشر وصول کرنے والا آپ سے وصول کرے تو اسکو زکوٰۃ میں سے شمار کرو۔ [مصنف ابن ابي شيبه/كتاب الزكاة/حدیث: 10583]