حضرت معتمر اپنے والد سے روایت کرتے ہیں کہ حضرت طاؤس کی رائے یہ تھی کہ زکوٰۃ وصول کرنے والا (ایک جگہ) بیٹھ جائے گا۔ اس کو جو (زکوٰۃ) دی جائے وہ وصول کرلے گا اور جو اس کو نہ دے تو وہ خاموش رہے گا۔ (کسی کے ساتھ تکرار نہ کرے گا)۔ [مصنف ابن ابي شيبه/كتاب الزكاة/حدیث: 10604]

حضرت محمد بن مسلمہ انصاری جو اصحاب بدر میں سے ہیں۔ حضرت عمر کے زمانہ میں وہ قبیلہ اشجع کے لوگوں کے پاس آ کر جانوروں کی زکوٰۃ وصول کیا کرتے تھے۔ وہ ایک جگہ بیٹھ جاتے پس جو ان کے پاس بکری لے کر آتا اپنا حق زکوٰۃ ادا کرنے کے لئے تو وہ اس سے وصول فرما لیتے۔ [مصنف ابن ابي شيبه/كتاب الزكاة/حدیث: 10605]

حضرت ابو حارثہ فرماتے ہیں کہ حضرت عمر فاروق نے ہمیں زکوٰۃ وصول کرنے کیلئے بھیجا۔ پس ہمارے پاس جو کچھ لے کر آتا جس میں ہمارا حق ہوتا ہم وہ اس سے وصول کرلیتے۔ [مصنف ابن ابي شيبه/كتاب الزكاة/حدیث: 10606]

حضرت طاؤس فرماتے ہیں کہ زکوٰۃ وصول کرنے والا لوگوں کے پاس ان کی پانی کی گھاٹ (یا کوئی ایسی جگہ جہاں سب جمع ہوسکتے ہوں) پر آئے اور ان سے (ان کے مال کے بارے میں) قسم نہ لے۔ [مصنف ابن ابي شيبه/كتاب الزكاة/حدیث: 10607]

حضرت محمد ارشاد فرماتے ہیں کہ زکوٰۃ وصول کرنے والا آتا تھا۔ پس اگر وہ اونٹ اور بکریوں کو دیکھتا تو ان کی زکوٰۃ وصول کرنے لگتا اور وہ (کسی کا) انتظار نہیں کرتا تھا۔ [مصنف ابن ابي شيبه/كتاب الزكاة/حدیث: 10608]

حضرت امام زہری سے مروی ہے کہ نبی کریم صلی اللہ علیہ وآلہ وسلم نے صدقۃ الفطر نماز عید سے پہلے ادا کرنیکا حکم فرمایا۔ [مصنف ابن ابي شيبه/كتاب الزكاة/حدیث: 10609]

حضرت نافع سے مروی ہے کہ حضرت عبد اللہ بن عمر رضی اللہ عنہما صدقۃ الفطر نماز سے پہلے ادا فرمایا کرتے تھے۔ [مصنف ابن ابي شيبه/كتاب الزكاة/حدیث: 10610]

حضرت ابن عمر رضی اللہ عنہما سے اسی کے مثل منقول ہے۔ [مصنف ابن ابي شيبه/كتاب الزكاة/حدیث: 10611]

حضرت ابن عمر رضی اللہ عنہما سے ایک اور سند سے بھی اسی کے مثل منقول ہے۔ [مصنف ابن ابي شيبه/كتاب الزكاة/حدیث: 10612]

حضرت عبد اللہ بن عباس رضی اللہ عنہما فرماتے ہیں کہ بیشک سنت طریقہ یہ ہے کہ صدقۃ الفطر کو نماز سے پہلے ادا کیا جائے۔ [مصنف ابن ابي شيبه/كتاب الزكاة/حدیث: 10613]