حضرت ابن عون سے مروی ہے کہ حضر ت محمد بن سیرین اپنے اھل میں سے کسی کی وفات پر حاضر ہوئے تو آپ نے فرمایا: لوگو! سلام کہو، لوگو! سلام کہو۔ [مصنف ابن ابي شيبه/كتاب الجنائز/حدیث: 11161]

حضرت ابو سعید سے مروی ہے کہ رسول اللہ صلی اللہ علیہ وآلہ وسلم نے ارشاد فرمایا: جب تم مریض کے پاس جاؤ تو اس کو موت کے بارے میں تسلی دو، بیشک یہ بات کوئی چیز رد نہیں کرتی لیکن مریض خوش کرتی ہے۔ [مصنف ابن ابي شيبه/كتاب الجنائز/حدیث: 11162]

حضرت امیہ ازدی سے مروی ہے کہ حضرت جابر بن زید میت کے پاس سورة الرعد کی تلاوت فرماتے۔ [مصنف ابن ابي شيبه/كتاب الجنائز/حدیث: 11163]

حضرت معقل بن یسار سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: اپنے مردوں کے پاس سورة یٰسٓ پڑھو۔ [مصنف ابن ابي شيبه/كتاب الجنائز/حدیث: 11164]

حضرت ابراہیم فرماتے ہیں کہ صحابہ کرام کسی میت کے پاس حاضر ہوتے تو حائضہ عورتوں کو باہر نکال دیتے۔ [مصنف ابن ابي شيبه/كتاب الجنائز/حدیث: 11165]

ابراہیم سے مروی ہے حضرت علقمہ کے پاس ایک عورت آئی اور عرض کیا میں مریض کا علاج کرتی ہوں تو کیا میں حائضہ ہونے کی حالت میں اس کے پاس کھڑی ہوسکتی ہوں؟ آپ نے فرمایا ہاں جب اس کی موت کا وقت قریب آئے تو اس کے سر سے اجتناب کرو۔ [مصنف ابن ابي شيبه/كتاب الجنائز/حدیث: 11166]

حضرت حسن حائضہ عورت کے میت کے پاس حاضر ہونے میں کوئی حرج نہ سمجھتے تھے۔ [مصنف ابن ابي شيبه/كتاب الجنائز/حدیث: 11167]

حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: اپنے مردوں کو لا الہ الا اللہ کی تلقین کرو۔ [مصنف ابن ابي شيبه/كتاب الجنائز/حدیث: 11168]

حضرت عمر فرماتے ہیں اپنے مردوں کے پاس حاضر ہوا کرو اور ان کو لا الہ الا اللہ یاد دلایا کرو (تلقین کیا کرو) بیشک وہ دیکھتے ہیں اور ان سے کہا جاتا ہے۔ [مصنف ابن ابي شيبه/كتاب الجنائز/حدیث: 11169]

حضرت عائشہ رضی اللہ عنہا ارشاد فرماتی ہیں کہ اپنے مردوں کو لا الہ الا اللہ کی تلقین کرو۔ [مصنف ابن ابي شيبه/كتاب الجنائز/حدیث: 11170]