حضرت نافع فرماتے ہیں کہ حضرت عبد اللہ بن عمر رضی اللہ عنہما ولد الزنا کی نماز جنازہ ادا نہ فرماتے خواہ وہ چھوٹا ہوتا یا بڑا۔ [مصنف ابن ابي شيبه/كتاب الجنائز/حدیث: 11961]

حضرت نافع فرماتے ہیں کہ حضرت عبد اللہ بن عمر رضی اللہ عنہما نے ولد الزنا اور اس کی ماں کو گھر کے بستر میں مرا ہوا دیکھا، اور ان دونوں کی نماز جنازہ ادا کی۔ [مصنف ابن ابي شيبه/كتاب الجنائز/حدیث: 11962]

حضرت ابو ہریرہ رضی اللہ عنہ سے مروی ہے کہ رسول اللہ صلی اللہ علیہ وآلہ وسلم نے ارشاد فرمایا: جس نے نماز جنازہ ادا کی اس کے لیے ایک قیراط اجر ہے اور جو اس سے فارغ ہونے تک انتظار کرتا رہا اس کے لیے دو قیراط اجر ہے۔ صحابہ کرام نے عرض کیا: دو قیراط کیا ہیں؟ آپ صلی اللہ علیہ وآلہ وسلم نے فرمایا: دو عظیم پہاڑوں کی مانند۔ [مصنف ابن ابي شيبه/كتاب الجنائز/حدیث: 11963]

حضرت ابی بن کعب سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: جس نے نماز جنازہ ادا کی اس کے لیے ایک قیراط اجر ہے اور جو دفنانے تک ساتھ رہا اور انتظار کرتا رہا اس کے لیے دو قیراط اجر ہے اور قیراط احد پہاڑ کے برابر ہے۔ [مصنف ابن ابي شيبه/كتاب الجنائز/حدیث: 11964]

حضرت ابو ہریرہ رضی اللہ عنہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: جس نے نماز جنازہ ادا کی اس کے لیے ایک قیراط اجر ہے اور جو دفنانے تک حاضر رہا اس کے لیے دو قیراط اجر ہے اور قیراط احد پہاڑ کے برابر ہے۔ حضرت عبد اللہ بن عمر رضی اللہ عنہما نے آپ سے فرمایا غور کرو آپ کیا کہہ رہے ہو؟ پھر حضرت عائشہ رضی اللہ عنہا کے پاس تصدیق کے لے ن بھیجا تو حضرت عائشہ رضی اللہ عنہا نے اس کی تصدیق فرمائی۔ [مصنف ابن ابي شيبه/كتاب الجنائز/حدیث: 11965]

حضرت ثوبان سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: جس نے جنازہ کی اتباع کی (نماز ادا کی) اس کے لیے ایک قیراط اجر ہے۔ اور جو دفنانے تک ساتھ رہا اس کے لیے دو قیراط اجر ہے۔ صحابہ کرام نے عرض کیا اے اللہ کے رسول! قیراط کتنا ہوتا ہے؟ آپ صلی اللہ علیہ وآلہ وسلم نے فرمایا اس میں سب سے چھوٹا احد پہاڑ کے برابر۔ [مصنف ابن ابي شيبه/كتاب الجنائز/حدیث: 11966]

حضرت عبد اللہ بن عمر رضی اللہ عنہما، حضرت ابو ہریرہ رضی اللہ عنہ اور حضرت عبد اللہ ارشاد فرماتے ہیں جس نے نماز جنازہ ادا کی اس کے لیے ایک قیراط اجر ہے۔ اور جو دفن تک ساتھ رہا اس کے لیے دو قیراط اجر ہے اور قیراط احد پہاڑ کے برابر ہے۔ [مصنف ابن ابي شيبه/كتاب الجنائز/حدیث: 11967]

حضرت سعید المقبری کے واسطے سے حضرت ابو ہریرہ رضی اللہ عنہ سے بھی اسی طرح منقول ہے۔ [مصنف ابن ابي شيبه/كتاب الجنائز/حدیث: 11968]

حضرت عبد اللہ بن مسعود رضی اللہ عنہ اور دیگر حضرات فرماتے ہیں کہ جس نے نماز جنازہ ادا کی اس کے لیے ایک قیراط اجر ہے، اور جو اس کے ساتھ رہا یہاں تک کہ اس کا معاملہ پورا ہو جائے اس کے لیے دو قیراط اجر ہے، اور قیراط احد پہاڑ کے مثل ہے۔ [مصنف ابن ابي شيبه/كتاب الجنائز/حدیث: 11969]

حضرت جبیر بن ابی صالح فرماتے ہیں کہ میں نے حضرت ابو ہریرہ رضی اللہ عنہ سے اسی کے مثل سنا۔ [مصنف ابن ابي شيبه/كتاب الجنائز/حدیث: 11970]