حضرت ابراہیم سے دریافت کیا گیا ایک شخص اپنی بیوی سے ایلاء کرتا ہے پھر وہ لوٹتا ہے (تو اس کا کیا حکم ہے؟) آپ نے فرمایا ان میں سے (صحابہ وفقہائ) بعض حضرات فرماتے تھے، اس کا لوٹنا ہی کفارہ ہے۔ [مصنف ابن ابي شيبه/كتاب الأيمان والنذور والكفارات/حدیث: 12900]

حضرت حسن سے دریافت کیا گیا کہ کوئی شخص قسم کھائے کہ وہ اپنی بیوی کے پاس دس دن تک نہیں آئے گا، پھر وہ دس دن سے پہلے ہی اس کے قریب آگیا؟ آپ نے فرمایا: اس پر کفارہ نہیں ہے۔ [مصنف ابن ابي شيبه/كتاب الأيمان والنذور والكفارات/حدیث: 12901]

حسن فرماتے ہیں کہ جو شخص اپنے اوپر ایک مہینے کے روزے لازم کر لے، اگر اس نے کوئی متعین مہینہ مقرر کیا ہو تو اسی کے روزے رکھے اور لگاتار رکھے، اور اگر اس نے کوئی متعین مہینہ مقرر نہ کیا ہو یا اس کی نیت نہ کی ہو تو وہ دن گن کر تیس روزے رکھے، پھر اگر اس نے چاند دیکھ کر روزے شروع کیے اور چاند دیکھ کر ختم کیے اور وہ انتیس دن ہوئے تو یہ اس کے لیے کافی ہے، اور جب دن گن کر رکھے تو جدا جدا بھی رکھ سکتا ہے۔ [مصنف ابن ابي شيبه/كتاب الأيمان والنذور والكفارات/حدیث: 12902]

حضرت ابو قلابہ فرماتے ہیں کہ اگر کوئی شخص کہے مجھ پر ایک مہینے کے روزے ہیں تو وہ زیادہ جانتا ہے جو اس نے کہا ہے اور اس کی نیت کا اعتبار ہے (اس کی نیت پر محمول کریں گے)۔ [مصنف ابن ابي شيبه/كتاب الأيمان والنذور والكفارات/حدیث: 12903]

حضرت عطاء اور ابراہیم فرماتے ہیں کہ اگر کوئی شخص نذر مانے کہ مجھ پر ایک مہینے کے روزے ہیں اور مہینوں میں سے کوئی مہینہ متعین نہ کرے تو اگر وہ چاہے تو لگاتار رکھے اور اگر چاہے تو جدا جدا دنوں میں رکھ لے۔ [مصنف ابن ابي شيبه/كتاب الأيمان والنذور والكفارات/حدیث: 12904]

اور ابراہیم سے بھی مروی ہے، دونوں حضرات (عطاء اور ابراہیم) نے فرمایا: جب کوئی شخص اپنے اوپر ایک مہینے کے روزے لازم کر لے اور کسی خاص مہینے کو متعین نہ کرے تو اگر چاہے لگاتار رکھے اور اگر چاہے جدا جدا رکھے۔ [مصنف ابن ابي شيبه/كتاب الأيمان والنذور والكفارات/حدیث: 12905]

حضرت میمون فرماتے ہیں کہ نذر اگر روزوں کی ہو تو وہ لگاتار رکھے جائیں گے۔ [مصنف ابن ابي شيبه/كتاب الأيمان والنذور والكفارات/حدیث: 12906]

حضرت حجاج فرماتے ہیں کہ میں نے حضرت عطاء سے دریافت کیا اور مجھے اس شخص نے بتایا جس نے حضرت ابراہیم سے دریافت کیا تھا ایک شخص نذر مانتا ہے کہ مجھ پر ایک ماہ کے روزے ہیں؟ دونوں نے فرمایا: وہ تیس روزے رکھے گا یعنی جدا جدا لگاتار رکھنا ضروری نہیں۔ [مصنف ابن ابي شيبه/كتاب الأيمان والنذور والكفارات/حدیث: 12907]

حضرت عمرو فرماتے ہیں کہ حضرت حسن کفارہ یمین میں ایک ہی مسکین کو دس مرتبہ کھانا کھلانے میں کوئی حرج نہیں سمجھتے تھے۔ [مصنف ابن ابي شيبه/كتاب الأيمان والنذور والكفارات/حدیث: 12908]

حضرت عامر فرماتے ہیں قسم کے کفارہ میں کافی نہیں ہوگا جب تک کہ دس مسکینوں کو کھانا نہ کھلا دے۔ [مصنف ابن ابي شيبه/كتاب الأيمان والنذور والكفارات/حدیث: 12909]