حضرت ابن سیرین سے مروی ہے کہ حضرت عثمان نے ایک شخص کو دیکھا جو عرفہ میں موجود ہے، پس انھوں نے اس سے کہا کہ کیا تو نے تلبیہ پڑھتے وقت شرط لگائی تھی؟ کہا: ہاں۔ [مصنف ابن ابي شيبه/كتاب الحج/حدیث: 15381]

حضرت عثمان سے اسی طرح منقول ہے۔ [مصنف ابن ابي شيبه/كتاب الحج/حدیث: 15382]

حضرت حسن اور حضرت عطاء اس محرم کے متعلق فرماتے ہیں جو تلبیہ پڑھتے وقت شرط لگائے، اس کے لیے اسی کی شرط پر عمل کرنا ہے۔ [مصنف ابن ابي شيبه/كتاب الحج/حدیث: 15383]

حضرت عمارہ سے مروی ہے کہ حضرت شریح نے حج کے تلبیہ پڑھتے وقت شرط لگائی اور یوں دعا مانگی کہ اے اللہ! بیشک تو میری نیت جانتا ہے اور اس کو بھی جس کا میں نے ارادہ کیا، پس اگر یہ کام میرے لیے مکمل کردیا جائے تو میرے لیے بہت پسندیدہ ہے، اور اگر اس کے علاوہ کوئی معاملہ ہو تو اس میں کوئی حرج نہیں۔ [مصنف ابن ابي شيبه/كتاب الحج/حدیث: 15384]

ابوبکر (ابن ابی شیبہ) فرماتے ہیں کہ مجھ کو یہ بات پہنچی ہے کہ ابو معاویہ نے اس حدیث سے رجوع کرلیا تھا۔ [مصنف ابن ابي شيبه/كتاب الحج/حدیث: 15385]

حضرت طائؤس فرماتے ہیں کہ حج میں شرط لگانا کوئی حیثیت نہیں رکھتا۔ [مصنف ابن ابي شيبه/كتاب الحج/حدیث: 15386]

حضرت ھلال بن خباب فرماتے ہیں کہ میں نے حضرت سعید بن جبیر سے عرض کیا: آپ حج میں شرط لگانے کو کیسا سمجھتے ہیں؟ آپ نے فرمایا حج میں شرط لگانا لوگوں کے درمیان ہے، (صرف لوگوں کی حد تک ہے)۔ [مصنف ابن ابي شيبه/كتاب الحج/حدیث: 15387]

حضرت حکم اور حضرت حماد شرط لگانے کے متعلق فرماتے ہیں کہ یہ کوئی حیثیت نہیں رکھتا۔ [مصنف ابن ابي شيبه/كتاب الحج/حدیث: 15388]

ابراہیم التیمی فرماتے ہیں کہ حضرت علقمہ حج میں شرط تو لگایا کرتے تھے لیکن اس کو کوئی حیثیت نہ دیتے تھے۔ [مصنف ابن ابي شيبه/كتاب الحج/حدیث: 15389]

حضرت سعید بن جبیر فرماتے ہیں کہ حج میں استثناء کرنیوالا اور استثناء نہ کرنے والا دونوں ہی برابر ہیں۔ [مصنف ابن ابي شيبه/كتاب الحج/حدیث: 15390]