حضرت مجاہد فرماتے ہیں کہ کعبہ کا نام کعبہ اس لیے رکھا گیا ہے کیونکہ مربع ہے، بدنہ کو بدنہ اس لیے کہتے ہیں کیونکہ یہ موٹے ہوتے ہیں۔ [مصنف ابن ابي شيبه/كتاب الحج/حدیث: 16573]

حضرت سعید بن جبیر اللہ تعالیٰ کے ارشاد { وَ اِذْ جَعَلْنَا الْبَیْتَ مَثَابَۃً لِّلنَّاسِ } کے متعلق فرماتے ہیں کہ لوگ حج کے لیے آتے ہیں پھر وہ دوبارہ اس کا اعادہ کرتے ہیں (باربار حج کرتے ہیں)۔ [مصنف ابن ابي شيبه/كتاب الحج/حدیث: 16574]

حضرت عطاء فرماتے ہیں کہ لوگ حج کے لیے آتے ہیں لیکن اس سے ان کا جی کبھی نہیں بھرتا۔ [مصنف ابن ابي شيبه/كتاب الحج/حدیث: 16575]

حضرت مجاہد فرماتے ہیں کہ اگر یہ نہ کہا ہوتا کہ { فَاجْعَلْ اَفْئِدَۃً مِّنَ النَّاسِ } تو فارس وروم والوں کا اس پر اژدہام ہوجاتا۔ [مصنف ابن ابي شيبه/كتاب الحج/حدیث: 16576]

حضرت ابو جعفر فرماتے ہیں کہ ایام تشریق نام اس لیے رکھا گیا کیونکہ ان دنوں میں لوگ دھوپ میں بیٹھا کرتے تھے۔ [مصنف ابن ابي شيبه/كتاب الحج/حدیث: 16577]

حضرت اسلم المنقری فرماتے ہیں کہ میں نے حضرت عطاء سے کہا: کیا میں مدینہ جاؤں تاکہ میں نبی کریم صلی اللہ علیہ وآلہ وسلم کے میقات سے عمرہ کے لیے احرام باندھوں؟ آپ نے فرمایا بیت اللہ کا طواف کرنا میرے نزدیک مدینہ منورہ کی طرف سفر کرنے سے افضل ہے۔ [مصنف ابن ابي شيبه/كتاب الحج/حدیث: 16578]

حضرت مجاہد فرماتے ہیں کہ میرے نزدیک بیت اللہ کا طواف کرنا مدینہ منورہ کا سفر کرنے سے زیادہ پسندیدہ ہے۔ [مصنف ابن ابي شيبه/كتاب الحج/حدیث: 16579]

حضرت عطاء فرماتے ہیں کہ طواف کرنا عمرہ کے لیے نکلنے سے زیادہ میرے نزدیک پسندیدہ ہے۔ [مصنف ابن ابي شيبه/كتاب الحج/حدیث: 16580]

حضرت عطاء فرماتے ہیں کہ اس کا تمتع اس لیے رکھا گیا کیونکہ لوگ اس میں عورتوں اور کپڑوں سے فائدہ حاصل کرتے ہیں۔ [مصنف ابن ابي شيبه/كتاب الحج/حدیث: 16581]

حضرت عبد اللہ بن عثمان ایک شخص سے روایت کرتے ہیں کہ میں نے شیبہ کو دیکھا کہ غلاف کعبہ کا جو کپڑا نیچے گرگیا ہے اس کو اٹھا کر فقراء میں تقسیم کر رہا ہے۔ [مصنف ابن ابي شيبه/كتاب الحج/حدیث: 16582]